رانيا محمود ياسين: أنا غيورة على ديني وده ميزعلش حد

أعربت الفنانة رانيا محمود ياسين، عن استيائها لما حدث خلال الحلقة ببرنامجها "صباح العاصمة" على قناة العاصمة الفضائية، بعدما نشبت مشادة كلاميه بينها وبين الضيف "أحمد الحرقان"، لما قاله عن عدم وجود أدلة تاريخيه تثبت وجود الرسول محمد (عليه الصلاة والسلام).

وكتبت "رانيا"، على حسابها الشخصي بموقع التواصل الإجتماعي "فيسبوك"، توضيحًا لما حدث قائلة: "أولا عايزة أوضح بخصوص حلقة الملحد النهاردة، أولا دي رؤية رئيس تحرير البرنامج ولازم تحترم بصرف النظر عن رأيي الخاص في استضافة ملحدين.. ثانيا الظاهرة في تزايد وكان يجب طرحها حتي لاتزيد اما بالنسبة لانفعالي مش فجأة لا الجزء المعروض من الحلقة مجتزء منه الجزء الأول من الفقرة ".

وأكدت "رانيا" في كلامها إنها رأت "الحرقان" في برنامج من قبل وكان وقتها سلفي، قائلة: " حضرته بدأ يسنفزني من قبل بداية الفقرة علشان قلتلوا اني شفتوا قبل كدة في حلقة أخري وانه كان سلفي واتعصب جدا، وقالي انا مش جاي أتكلم في موضوع شخصي، قلتوا لا انا سمعتك في برنامج تاني قلت كده وبدأ يحتد عليه وانا علشان هو ضيفي مردتش".

وأضافت "رانيا" في كلامها، "أنه أتكلم معايا انا وشريف بطريقه غير لائقة وهدد انه هيمشي، بصراحة كان خايف من المواجهة وحسيت انه بيعمل حيل دافعيه لنفسه قبل الحلقه، وبعد ما بدأنا المناظرة مكنش عايز الضيف الباحث الإسلامي يرد وكل ما يتكلم يسكته بالتالي انا كنت احتراما للمهنية لازم أدي فرص متساوية للضيفين".

وختمت "رانيا" كلامها قائلة: "ديني فانا غيورة عليه وده مزعلش حد، لأن ده مش موضوع سياسي يجب أن تتحكم المهنية في حواري واكون حيادية دي ثوابت، واحد بيلعب بأفكاره المسمومة علي الناس ورفض الرأي الآخر انه يعبر عن نفسه".