تفاصيل جديدة في "دهس مصري" بالكويت: السيارة "راحت ورجعت على جثته أكتر من مرة"

نشرت صفحة "رابطة مصر المحروسة - الكويت" تفاصيلًا جديدة بشأن دهس المواطن المصري في الكويت ما تسبب في وفاته.
وقالت الصفحة "عايزين يشتروا جهاز بعدين اتهاوشوا مع البياع سبوه بأهله ضربوه وبعدين مشيوا جابوا صحابهم حوالي 15 واحد وواحد مستني بسيارته برة، وبعدين نزلوا من ممر جنب المحل دخلوا كسروا المحل وعوروا كل اللي فيه بجروح في الرأس وبعدين طلعوا من المجمع ناس طلعت وراهم مصريين ومسكو اتنين منهم، قام صاحبهم اللي بالسيارة معددي الطريق بالمخالف ودخل شال الناس اللي واقفة".
وأضافت الصحفة "وكان فيهم الله يرحمه ويصبر أهله أحمد موظف بمجمع الرحاب، اتدهس وفضل يروح ويرجع علي جثمانه كذا مرة وواحد كمان مصري أحمد اتوفي والتاني كسر في الحوض وكسور في بقيت الجسم ومحجوز في المستشفي وفيه كمان واحد كويتي كان طالب شرطة كان قاعد مع أبوه علي كافيتريا الواد شاله بالسياره وهو داخل علي الناس، إحنا دلوقتي قدام مخفر ميدان (حولي)".