بالفيديو .. بعد كارثة الوراق.. "الفجر تي في" مع "عم خلف" في عرض النيل

التقت "الفجر تي في" عم "خلف أمين" سائق عبارة معدية جزيرة المعادى، صاحب السبعة وأربعين عام، تحدث معنا عن قيادته للعبارة فى عرض نهر النيل، والمهمة الصعبة التي يقوم بها عليها خاصة وأنها الأضخم من نوعها، وتحمل على متنها سيارات ومعدات ثقيلة، عكس المعديات التي تقل الأشخاص.
يقول عم "خلف": "أنا من المنيا مركز سمالوط ، بقالى 40 سنة في النيل، كنا بنشتغل على مراكب شراعية، اتعلمنا منها التعامل مع النيل فى الهوا الشديد والشبورة، عشان كدة مفيش مشاكل فى الشغل على العبارة".
وأضاف: "جيت القاهرة بعد ما الشغل قل فى البلد، عندى 6 عيال شغالين فى النقل والعربيات، و بسبب الغلا مش عارف أجوز إبني".
واستطرد : "شغلي على العبارة من الساعة 6 الصبح ل6 المغرب، مالهاش عدد فى فى المرواح و المجي من الجزيرة للبر التاني، بننقل على العبارة العربيات، بس لسه الشغل ماشدش حيله عشان هى جديدة".
واختتم "عم خلف" حديثه: "ادعو ربنا يصلح حالنا وحال البلد عشان نبقى فى الأمان ويرزقنا ويهدى البلد والحال يمشي".