بالفيديو .. وائل جسار يغني ل"هيفاء وهبي" : الحب في قلبنا درجات

طرحت الشركة المنتجة لمسلسل "مريم" أغنية التتر التي انتهى المطرب وائل جسار من تسجيلها داخل ستوديو عادل حقي، وتم وضع العديد من مشاهد المسلسل على الاغنية التي كتب كلماتها تامر حسن ولحنها شادي محسن، وتعبر كلماتها عن الحب ودرجاته وكيف يمكن أن يفرق هذا الحب بين الاشقاء. تقول كلمات الاغنية:
الحب في قلبنا درجات
تفرق من واحد للتاني
في حب يقربنا ساعات
وحب يتقال فيه أغاني
في حب يفرق الاخوات
كلنا بنحب وبنعاني
ودا طمعان ودا عشمان
وناس م الغل معمية
سنين عشرة ما بين أخوات
وبرضه الدم بقا مية
ودي عايزاك ودي عارفاك
علشان توصل لاحلامها
تقرب مين وتبعد مين
في واحدة أكيد هتظلمها
الواحد من كتر ما شاف
في ناس ياما قصاده بتتلون
بقى متلخبط بقى خواف
طب يدي أمان ولا يخون
الناس في الدنيا اصناف
وانت وحظك لو تطمن
يذكر أن "مريم" إنتاج عاطف كامل وتأليف أيمن سلامة وإخراج محمد علي وبطولة هيفاء وهبي وخالد النبوي وحسن حسني وريهام عبدالغفور وميمي جمال وتامر ضيائي وعمر السعيد.