بالفيديو والصور.. رسالة وكيل خدمة عملاء ل"أبو حفيظة" بعد سخريته منه

وجه أحمد رأفت وكيل خدمة عملاء، بإحدى شركات المحمول، رسالة للإعلامي أكرم حسني صاحب شخصية "أبو حفيظة"، ومقدم برنامج "أسعد الله مساؤكم"، المذاع عبر فضائية "إم بي سي مصر"، يستنكر فيها تهكمه على مهنتهم وتقليله من شأنها قائلاً:" اللي متعرفوش عن خدمة العملاء ان الموظف بتاعها بيشتعل 9 ساعات في اليوم منهم 8 لوجين ب 1200 جنيه في الشهر".

وأضاف "رأفت"، في رسالته التي وجهها أيضا لقناة "إم بي سي مصر"، على الصفحة الرسمية للبرنامج على "فيسبوك"،قائلاً:" كلنا بنحب الضحك.. كلنا بنحب الكوميديا.. إحنا اخف شعب في الدنيا ، بس تعليق صغير لما نحاول نكون كوميديين ممكن نكشف الواقع بالكوميديا دي مش نيجي ع ناس الزمن تاعبهم ، وال 1200 جنيه دول بيطبطب بيهم ع العملاء علشان الشركة وبيهندل مديره علشان ميخصملوش –على حد قوله-.

وتابع موجهاً كلامه لاكرم:"انت متعرفش كمية التعب والإهانة في الوظيفة دي لما بتحس ان لما بيجي عميل عليك ان حقك هيضيع لكن بتصبر نفسك ،ولما بيجي مدير عليك حقك بيضيع ، انت طول الشهر بتشتغل علشان اكل عيشك ولو الكواليتي سمعتك في اي وقت ولقيتك قولت مساء الخير بدل صباح الخير هتتبهدل".
وأضاف :"خدمة عملاء يعني شغال ومش شغال لان ببساطة من المتوقع انك تترفد في اي وقت".
وكان الإعلامي أكرم حسني، قد سخر من موظفي خدمة العملاء بشركات المحمول، موضحًا بعض التصرفات غير اللائقة التي يرتكبها بعضهم مع عملاء الشركات.
وقام "حسني"، بأداء مقطع تمثيلي، خلال حلقة أمس من برنامجه "أسعد الله مساؤكم"، المذاع عبر فضائية "إم بي سي مصر"، جسد فيه شخصية أحد موظفي خدمة العملاء.
أسعد الله مساءكم - شغلانة خدمة العملاء و نوعية العملاء
Posted by أسعد الله مساءكم‎ on Saturday, 6 June 2015