بالفيديو.. أحمد حلمى: أتعلمت متعة المونتاج من خالد مرعي

كشف الفنان أحمد حلمى، عن حبه لفن المونتاج من خلال تجربته مع المخرج خالد مرعي، مقدمًا الشكر له لما تعلمه منه منذ فترة عملهما معًا فى فيلم "بلبل حيران"، والذى عرض فى عام 2010.

وكتب "حلمى" عبر صفحته الرسمية على موقع التواصل الاجتماعى "فيسبوك" قائلاً :"المونتاج متعه من متع السينما .. واللي حببني في المونتاج مونتير عبقري كانوا مسمينه "صاحب الانامل الذهبيه" .. الاستاذ "خالد مرعي" .هو بقي بيخرج دلوقتي. اشتغلت معاه كمخرج في فيلم "اسف علي الازعاج " وفيلم "عسل اسود" وفيلم "بلبل حيران" .. واخرج لفنانين تانين واعمال تانيه كتير ، شكرا ياصديقي خالد لانك علمتني شوية حاجات في المونتاج حتي لو كانت بسيطه وصغيره خلتني اجرب امنتچ الفيديو ده سنة 2010.

وتابع :"مونتاچ علي قدي كده يعني .. فجاءه شفت الفيديو فكان واجب عليا اشكر المونتير المخرج الجميل خالد مرعي .. احلي حاجه انك تتعلم حاجه من حد .. والاحلي منها انك متنساش ابدا الحد ده .. شكرا ياخالد".

وأرفق "حلمى" هذا الكلام بفيديو قام بمونتاجه لفيلم بلبل حيران قائلاً :"فيديو "ياعيني بلبل" .. مشاهد من فيلم بلبل حيران علي صوت عدويه الاصيل .. تجربه مونتاجيه من ايام فيلم بلبل حيران".

يذكر أن فيلم "بلبل حيران" هو ثالث عمل سينمائي يجمع بين أحمد حلمي والمخرج "خالد مرعي" بعد فيلمه "آسف على الإزعاج" و"عسل أسود".
Posted by أحمد حلمي Ahmed Helmy‎ on‎ 2 يونيو، 2015