بالفيديو.. سائقو الميكروباص برمسيس يهربون من الشرطة بعد رفضهم الانتقال إلى الترجمان

قرر جلال مصطفى سعيد، محافظ القاهرة تسيير أربع سيارات ميني باص بمنطقة وسط البلد ب"المجان"؛ لخدمة نقل المواطنين من ميدان التحرير إلى موقف وسوق الترجمان مرورًا بشارع رمسيس ومحطات مترو الأنفاق "جمال عبد الناصر وأحمد عرابي"، ثم العودة من شارع الجلاء، مرورًا بميدان عبد المنعم رياض؛ لخدمة ركاب خطوط الميكروباص التي تقف حاليًا في شارع الجلاء، وتقرَّر نقلها إلى الترجمان لمنع وقوف المكروباص في شارع الجلاء ونقل الموقف العشوائي الى جراج الترجمان.

ولكن لم يحدث ذلك لرفض السائقين نقلهم للترجمان؛ لأن المكان بعيد وخالي حاليًا من الأتوبيسات، وهرب السائقين إلى الشوارع الجانبية خوفًا من أن شرطة المرافق تنقلهم إلى الترجمان.

وقال أحد السائقين: "احنا محتاجين مكان نقعد فيه مش عارفين ناكل عيش، الترجمان صحرا.. احنا محتاجين مكان غير ده لأنه بعيد عن الركاب.. احنا ممكن نقف مكان العربيات الملاكي".

وأضاف آخر: "الجو حر والترجمان بعيد والمحطة للترجمان بعيد جدًا، وبدل الأتوبيسات اللي هتيجي من المحافظة ما احنا كدا كدا واقفين ليه أتوبيسات واحنا موجودين, احنا مش محتاجين أكتر من مكان قريب واحنا موافقين نوقف فيه لكن لية نروح مكان بعيد زي الترجمان ده صحرا حتى الباعة الجائلين مشيو منه".