بالفيديو.. عمرو أديب: المصريين مش هيحسوا بفلوس المؤتمر الاقتصادى قبل 5 سنين

قال الإعلامى عمرو أديب: "الراجل طلع عين أهله والأنبوبة ب 80 جنية، وأنت اتفقت معاه يتصرف يسرق يأخد رشوة يشغل عياله، يشغل مراته، طيب اية الحل، هل هانكمل بالتركيبة الإدارية والإقتصادية دى؟، مستحيل، عامل زى القربة المخرومة كل ماتملاها تسرب من الناحية التانية، لابد أن يكون هناك شخص يقدر يدفع مع الدولة الدعم دة".
وتابع أديب، خلال تقديمه برنامجه "القاهرة اليوم" عبر فضائية "اليوم"، اليوم السبت: "الدولة لن تستطيع أن تسير وهى تحمل 3 مليار جنية يوميًا، ولو باصين لفلوس المؤتمر الاقتصادى، على سبيل المثال مشروع قناة السويس مش هايجيب فلوس قبل 5 سنوات، وهو يعتبر أسرع مشروع هايبدء يطلع قماش".