دعوة على الفيس بوك بأسم "جمعة الإفطار الجماعى (مسلم و مسيحي) -- أول جمعة في رمضان"

عايزين نشرك معانا اخوتنا المسيحين و يبقى افطار يتحدث عنه العالم باذن الله-

مصليتك فى ايدك عصيرك وتمرك وفطارك فى كيسك الى يقولك تعال نقعد على القهوه بالليل قوله تحرير وفى كل ميادين مصر مواطن - مصرى-مسلم-مسيحى-شرطه -جيش-غنى-فقير كله يشارك شير في الخير واقرا الكلام ده لانه هام جدا وفيه اى استفسار هييجى فى دماغك عشان لو فيه استفسار اجابته فى الكلام ده


اتمنى الفكرة دى توصل لمصر كلها و عايزين نتفق على شيخ نصلى وراه التراويح كمان باذن الله

- وللى بيسأل عن الهدف من ده ايه فهو ان يجتمع الشعب المصرى جميعا فى صلاه واحده فى كل الميادين لشكر الله سبحانه وتعالى على نجاح الثوره التى لاينكر أحد انها كانت مسيره وميسره من قبل الله سبحانه وتعالى يعنى حدث دينى وليس سياسى

- شاركنا الحدث وادعوا كل اصدقائك بالضغط على الزر اسفل صورة الحدث ونتمنى ان نجد فاعلين خير يتكفلوا بأكبر مائدة رحمن بدل ماكل واحد يجيب اكل معاه,


-ورجاء يا جماعه نحافظ على نظافة الميدان لان النظافه من الايمان ودى اخلاق الصيام وأخلاق مابعد الثوره , يعنى الكيس الى تجيب فيه فطارك حط فيه البقايا واى مهملات وارميه فى اقرب صندوق قمامه .

- وماتنساش طبعا تجيب مصليتك معاك

- وبالنسبه للى بيقول كفايه ميدان التحرير فالناس حتى الان بتنزل الميدان كل جمعه فمجاتش على اول جمعه فى رمضان, ثم ان وقت الفطار الشوارع فاضيه وكله فى بيته والتجمع هيكون قبل المغرب اصلا , غير كده جاى فى الصيف والجو حر فجو الاماكن المفتوحه أفضل ليلا , وربنا يوفقنا للخير ان شاء الله

- لذلك ياريت الى مش جاى فيكتفى بعدم الحضور ومايتحفناش بأراءه اللولبيه والسياسيه الى ضد الموضوع عشان مش هنقعد نرد على كل واحد بيعشق الهجوم وخلاص ومابيملش من السياسه, واعذرونا عشان فيه ناس دخلت تجادل وليس تناقش لذلك وفر الكومنت وسجل عدم حضورك وشكرا.


- وان شاء الله تتعمم فى كل ميادين مصر بعد ما الايفنت ينتشر



توضيح هام: هام لتنظيم الحدث وتوحيد المجهود: اذا كنت تريد ان يطبق الحدث فى محافظتك ايضا فيمكنك عمل ايفنت خاص بمحافظتك على ان يكون العنوان نفس عنوان الايفنت الخاص بنا مع اضافة اسم محافظتك فى الاخر وطبعا هتغير المكان الى الميدان الرئيسى فى محافظتك بدلا من كلمة ميدان التحرير


وجزاكم الله خيرا

ملحوظه هامه: الحدث متوقف على تأكيد العدد الى هيسجل حضوره فيه ونتمنى نوصل على الاقل 50 الف لان مش كل واحد بيسجل حضوره يبقى أكيد جاى وعشان مايتقالش انه افطار فئوى او ما شابه من المصطلحات اللولبيه الحلزونيه, وتأكيد الحدث هيكون يوم 20 شعبان وبناءا على ذلك هنتكلم فى كل التفاصيل,لذلك لو مهتم انشر الحدث, وجزاكم الله خير ووفقنا جميعا الى كل خير.

توقيع : شاب مسلم عادى