كشف الشاعر أمير طعيمة سبب تأخر موعد طرح الألبومات التى شارك بها للفنانين محمد فؤاد وشيرين عبد الوهاب ورامى جمال وأنغام و دنيا سمير غانم، موضحاً ان اغلب الألبومات جاهزة، مؤكد أن مواعيد طرحهم غير واضحة نظرا لظروف البلد الغير مستقرة. وكتب طعيمة على صفحته الشخصية عبر موقع التواصل الاجتماعى فيس بوك : إلي كل اللي بيسألوني،عن موعد نزول ألبومات فؤاد و أنغام و شيرين و رامي جمال و دنيا سمير غانم و غيرها من الأعمال اللي أنا مشارك فيه بقوة، شيرين و رامي و دنيا الألبومات جاهزة للنزول، فؤاد قطع شوط كبير من الألبوم، أنغام احنا لسه في البداية . وأضاف: وعلي كل الأحوال مواعيد نزول الألبومات غير واضح نظرا لظروف البلد الغير مستقرة و لا أنا و لا المطرب و لا المنتج نفسه يعرف موعد نزول أي ألبوم، إحنا كلنا نفسنا الألبومات تنزل زيكوا و أكتر و أكيد محتاجين نعرف رأيكوا في المجهود اللي عملناه بس للأسف ما باليد حيلة، ربنا يحمي مصر و يعدي الأيام دي علي خير و نرجع كلنا لحياتنا الطبيعية، إدعوا لمصر اللي أهم من أي حد و أي حاجة .