ما بين الحلال والحرام ماتت رغبتي في الرجال

مساء الخير على الجميع , بشكركم على اهتمامكم بمشكلاتنا ودي فكرة الحمد لله جت في وقتها على الأقل بالنسبالي .. مش هطول عليكو انا مشكلتي ان اتقدملي شباب كتير للجواز ورفضتهم لأسباب مختلفة لكن اللي لفت نظري مؤخرا لما قعدت فكرت بيني وبين نفسي ورجعت شريط مواصفات السباب دول لقيت ان اسباب رفضي عبيطة جدا
ومش على اي اساس منطقي , فضلت ادور جوة نفسي على السبب لغاية ما تقريبا وصلت له بعد كمان ما اتكلمت مع صاحباتي واختي الكبيرة فلقيت اني عندي احساس غريب وهوة ده كان سبب الرفض , لقيت ان كل اللي اتقدمولي مش قادرة اتصورهم أزواج وآخرهم معايا انهم ينفعوا أصدقاء .. جيران .. إخوات حاجة زي كدة ومع مرور الوقت لقيت نفسي داخلة على منطقة خطر وهية طبعا سني اللي بيكبر انا لسة في العشرينات لكن لو فضلت كدة اكيد زي ما الناس بتقول هعنس ويمكن اكون بإيدي بفوت علية فرصة كويسة خصوصا إني مش مرتبطة بشخص معين ولا حبيت حد , دلوقتي الحل ايه وانا حاسة ان كل الرجالة أخواتي .. بصراحة الإحساس اللي عندي له علاقة بموضوع العلاقة الخاصة بين الأوزاج بعد ما يعيشوا في بيت واحد انا مش قادرة اتخيل نفسي بعمل كدة خالص .. هوة ممكن اكون عيانة مثلا ومحتاجة دكتور امراض نفسية ؟ انا معنديش مانع اروح لدكتور بس افهم هوة انا كدة ليه غير كل البنات .. كل صاحباتي المواضيع دي شغلاهم إلا أنا ؟ ياريت يا استاذة نيفين لو تفكري معايا يمكن الاقي عندك الحل ولو بشكل مؤقت ومرسي ليكي جدا .
فضفضة
صديقتي الجميلة لا ترهقي نفسك فالأمر في إعتقادي أنك شخصية محافظة بالفطرة ومهذبة ولا تتركين الفرصة لنفسك أن تتجول داخل أمور كثيرة تخص الزواج كما تفعل صديقاتك كما ذكرتي , ليس لديك اي مشكلة سوى ان التقاليد الشرقية دائما كانت تذكرك بفكرة المحرمات والأصول والواجب والخطأ والصواب وهذا ليس بخطأ لكن تأثيره عليك وصل إلى حد عدم التفرقة بما أحله الله لك بعد الزواج وبين حفاظك على نفسك فترة ما قبل الزواج , من هنا بدأت مشكلتك .. انت لست بمريضة كما تصورتي ولكن طبيعتك المحافظة هي التي فصلت التفكير في أمور الحياة الطبيعية بعد الزواج عن أمور الحياة وشكلها الطبيعي أيضا قبل الزواج , ولأننا داخل مجتمع محافظ إلى حد واضح جدا في سلوكياتنا تتجنب معظم الأمهات الكلام عن الواجبات الزوجية والحق فيها ربما بدافع الخجل أو بدافع ان الوقت لم يأتي بعد لأن تُمهد الأم لفتاتها ما سيحدث داخل الحياة الزوجية . اما عن شعورك بأن كل الرجال أخوات لك فسيتلاشى هذا الشعور بمجرد إعتيادك وإطمئنانك لرجل يستحق فتاة جميلة مثلك وتبدأ ملامح المودة في الظهور على علاقتك به وتبدأ الموضوعات المشتركة بينكما تأخذ شكلا تُؤهلك بالتدريج لما تشكين منه .. إطمئني الأمر لا يستحق الذهاب لطبيب ولا تضيعي الفرصة كما قلتي فهناك رجال كثيرين يتمنون زوجة بصفاتك .. وفقك الله وحماكي .