إغراء

أنا شاب في الجامعة ارتبطت بواحدة معايا في نفس السنة، وسبب ارتباطي بها حبها الشديد واللي ملحوظ بين أصحابنا اللي حسسني إنها مش هتبعد عني أبداً، وابتديت أحس بقربها مني يعني تتمنى إني أقبلها بس أنا ما كنتش أحب أعمل معاها أي حاجة من الحاجات دي بس عشان حرام، بس أنا كان نفسي في كده بس هي كانت عايزاني أتكلّم في الكلام ده أكتر وتقريباً بتوسع؛ لأن ما فيش كلام تاني غير كده.

لما بدأت أشك وأقلق منها، وبعد كده لقيت اهتمامها قل شوية استغربت! وتملي غامضة جداً لدرجة إني كنت ممكن أتوقع منها أي حاجة، وبعد كده بعتت لي رسالة بتقول لي إن ابن خالها اتقدّم لها، وإنها آسفة وبعد يومين بتقول لي أنا رفضته؛ لأني ما بحبوش وفضلت تبكي عشان أرجع لها بس أنا صممت على إننا مش هنرجع تاني (كده أنا ظلمتها؟؟) خصوصاً إني مش مستريح معاها بعد كل ده.
S