سلام يا شباب .. انا بقى شرير بالفطرة مش عارف ليه ومش شاغلني الموضوع ده كتير لكن اللي خلاني ابعتلكم ان كل أصحابي واهلي بيوبخوني على اللي بعمله ودايما امي تقول لي انت هتدخل النار حدف وان ربنا هينتقم منك .. بتقوللي كدة عشان عندي هواية وتقدروا تقوله متعة اني اعذب الحيوانات اللي في الشارع وكنت بتراهن مع اتنين من نفس المنطقة اللي ساكن فيها مين فينا هيقدر يعمل ابشع حاجة في القطة اللي معدية او الكلب وطبعا مفيش في مصر اكتر من الكلاب وقطط الشارع , كنت بطارد الأول القطط او الكلاب من البلكونة عندي انا في الدور الأول على فكرة عشان كدة الموضوع كان سهل .. عندي بندقية رش بقعد بالليل اصطاد القطة في رجلها وصاحبي واقف تحت يمسكها بسرعة قبل ما تهرب ونتجمع ونعمل حفلة على القطة .. اسخن حتة حديدة واعور عينها او اخلعلها ضوافرها حاجات زي كدة بس ... وبسيبها تواجه مصيرها في الآخر والكلاب نفس الحكاية بس في طرق تانية عشان الكلب صعب امسكة بسهولة لكن لما بيقع في ايدي بوريله شغله .. مش عايز اطول عليكو في التفاصيل عشان محدش يضايق قوي او يقول زي ما امي ما بتقول لكن كلام بجد هوة انا كدة شرير بالفطرة ولا انا عيان زي ما اختي قالتلي ولا ده عادي بدليل ان فيه ناس كتير بيعمله كدة وانا اعرف منهم ؟ من غير شتيمة يا جماعة عشان انا متابع الباب ده بقالي فترة وملاحظ ان في شوية قراء لسانهم طويل وانا مليش في قلة الأدب لكن لية في التفاهم . فضفضة حسبي الله ونعم الوكيل .. مش مصدقة انك بشر .. انت آفة يابني .. عار إنك تكون ضمن المخلوقات .. واللي من القراء مش عاجبه ردي او هيقول ليه كدة وانصحيه بالعلاج بدل الإهانة فياريت يبقى ينصحه هوة بنفسه ويطلعني برة الموضوع أو يروح يعذب الكلاب والقطط معاه في جهنم إن شاء الله .