خايفة يكون ربنا مش راضي عني

أنا عندي 20 سنة، باحس كتير إن ربنا مش راضي عني، وأنا خايفة أوي من ده، ونفسي يكون عندي هدف في الحياة، وكل ما أعمل حاجة أحس إن أنا باعمل ده عشان الناس مش عشان ربنا؛ زي مثلا قررت إني ألبس عبايات عشان ربنا؛ بس بعد كده لقيت كل الأولاد معجبين بشكلي في العبايات، وبتبص عليّ كتير؛ بس أنا لابساها عشان ربنا، وفي نفس الوقت باحس إني بقيت أحب ده عشان بقيت ألفِت نظرهم.
والناس واخدة عني فكرة إني محترمة ومتدينة جامد، وده بيضايقني؛ عشان باحس إن أنا مش كده، وإن ده رياء، وفيه حاجات كتير باحس إني باعمل كده عشان..
ده غير إني باعمل للناس ألف حساب، وباحس إني باجي بالتشجيع، وأكتر حاجة بتضايقني إني باحس إني منافقة.. أنا عايزة أعيش لنفسي ولربنا وبس؛ بس مش عارفة.. ومش عارفة ده رياء ولا وسوسة شيطان؟ من صغري وأنا نفسي ألاقي هدف أعيش عليه.

khaled


لو عايز تفضفض لنا دوس هنا