فلان: انت ليه بتلعب معايا لعبة القط والفار؟ علان: لأن أنا وانت لو كنا "فيران".. القطط يا معلم هتمصمصنا فلان: خلاص نبقي قطط! علان: هنبقي لعبة للكلاب فلان: خايف اقولك وفيها ايه لما نكون "كلاب"؟ علان: انت ناسي "الديابة".. يا "كلب افندي" فلان: بس أنا أعرف "قط" مالي مركزه وهدومه ومعلم وآخر ابهة علان: بأمارة ايه فلان: لأنه مع الفيران "قط" ومع القطط "نمر" علان: والفار اللي أنا اعرفه.. عنده "مصيدة" بيلعب بيها هو وأولاده! فلان: ده فار صايع علي كده علان: عشان كده جاله عقد يمثل في استديوهات هوليوود بأمريكا فلان: تاني أمريكا علان: يا حبيبي ما هي اللي اخترعت "توم وجيري" واللي ما يشتري يتفرج! ابن البلد