رجل الشاطر: أحد قيادات الإخوان تنازل عن دينه

انتقد أحمد المغير، الملقب برجل خيرت الشاطر، تواصل عدد من قيادات جماعة الإخوان المسلمين، مع بريطانيا، مشيرًا إلي أن البعض يقبل يد الإنجليز الآن.

وكتب المغير عبر صفحته على فيس بوك:" يعني لما حد من 80 سنة يكون عمل خير معين فالعمل ده يخصه هوا ، انجازه هوا ، حسناته هوا مش عملك انت ولا انجازك انت ولا حسناتك انت فلما يجي حد النهاردة يقولي ده انا من جماعة بقالها 80 سنة حاربت الانجليز وحاربت في فلسطين وعملت وسوت يبقة اقل وصف يتوصف بيه انه حرامي انجازات لان لا هوا اللي حارب الإنجليز ولا هوا اللي حارب في فلسطين ولا هوا عمل ولا هوا سوا بل قد يكون هو ممن يفسدون كل الإنجازات اللي عملها الراجل اللي جه من 80 سنة ، عاوز تثبتلي نفسك اتكلم عن نفسك وقول أنا عملت وأنا سويت اما انك تخدر نفسك والآخرين بالكلام عن انجازات غيرك في الوقت اللي انت فيه بتخربها وبتدمرها تماما فانت كده بتضحك على نفسك وبتضلل غيرك.

وأردف: ملاحظة، بعض ممن يدعي انتسابه لهذه الجماعة اللي حاربت الانجليز من 60 سنة كان بيبوس ايد الانجليز من كام اسبوع وتنازل فيها عن دينه واتفق معاهم على حرب المجاهدين مقابل انها متعتبرهوش.