نشر تهديدات باقتحام منزل المشير على "الفيس بوك"

قام عدد من النشطاء السياسيين على موقع التواصل الاجتماعى بنشر تهديدات على موقع التواصل الاجتماعى "فيس بوك" باقتحام منزل المشير حسين طنطاوى رئيس المجلس الاعلى للقوات المسلحة
اذ نشرت صفحة "ثورة الغضب الثانية على العسكر12اغسطس" تهديدات بالاقتحام خلال 24ساعة اذا لم يتم الافراج عن النشطاء السياسين فى السجون الحربية على حسب اعتقادهم.
ونشرت الصفحة بيان يفيد : زى ما وعدنا قفلنا كوبرى 6اكتوبر امبارح والنهاردة كان اكبر اختبار لكل اللى فكر ان الاخوان ممكن يتحدوا الثورة ولكنهم بغبائهم فشلوا مع انه كان من الممكن يضحكوا على ناس كتير ويعتصموا ولو ليوم واحد ولكن غبائهم سبقهم ورحلوا عن ميدان الشهداء وكعادتهم "ثورة ثورة حتى العصر" فقط هم عملوا تعطيل لاغلب الناس عن التحرك ولكن الحمدلله ربنا فضحهم امام الجميع ولن يصدقهم احد بعد اليوم .
اما بالنسبة للموجة الثانية للثورة واللى هيستكملها ثوار مصر كعادتهم قررنا الاتى : هنروح بيت طنطاوى حلمية الزيتون ولكن اولا وقبل كل شئ الحرب خدعة وعدوك المفروض ميعرفش انت هاتروح امتى وتعمل ايه ؟ اكيد هنروح نهتف سلمية !! واكيد اننا عارفين المنطقة محصنة وكمان الخطة مش هاتبقى معلنة وكل كلمة بنكتبها لها معنى عندالثوار على الارض.
بمعنى اننا كتبنا المسيرة رقم واحد فى طلعت حرب وكان اتجاة السيرمفاجأة وقفلنا كويرى 6اكتوبر ..المرة دى الاعلان هيخص كل واحد من الثوار ساكن قريب من الاماكن دى..جسر السويس وكوبرى القبة وحمامات القبة وحدائق الزيتون وحلمية الزيتون.
وعلى جميع الثوار اللى ساكنين قريب من الاماكن دى الاستعداد والتجهيز للتوجة لمقر بيت رئيس المجلس الاعلى للقوات المسلحة ..مبدئيا مش هانقدر نتكلم اكثر من كدة واخر كلمة استعدوا لساعة الصفر وكمان بيت طنطاوى معروف للكل .
ولو طنطاوى ما افرجشى عن كل الناشطين السياسين وال 1400 مصرى من شباب الثورة المحبوسين فى السجون الحربية والمشددة الحراسة خلال 24ساعة هنبدأ التحرك .