شقيقة الجيزاوي : البلد دي مفيش راجل فيها

قالت شيرين الجيزاوي، شقيقة المحامي المحبوس في السعودية أحمد الجيزاوي، تعليقًا علي استمرار حبس شقيقها :" هي البلد دي مفيش راجل فيها يخلى عنده دم ويتدخل ويرجعلى أخويا، يا مرشحين الرئاسة والنبى ميبقاش الكرسي همكم أخويا واللى زيه المفترض يبقى أهم همومكم.. السيسي وعدلي إنتوا مش بتديروا البلد، طب في واحد مظلوم فالسعودية عنده سرطان اتسجن ظلم وبيتجلد ظلم ماتفكروا في الجيزاوى شوية".

وتابعت عبر صفحتها علي فيس بوك : تخيلوا ولادكم مكانه تخيلوا كدة ابنكم محامى وصاحب قضية اتسجن عشان قال كلمة حق وبيتجلد وهو عنده سرطان، تخيلوا كدة واحد عنده سرطان بدل ما يعالجوه بيجلدوه.. مريض السرطان ده اللى الكيماوى بيبهدله وبيدمر نفسيته، ومحدش بيزوره ولا أهله عارفين يطمنوا عليه، ما تتصرفوا بقى وتقوموا بواجبكم وترجعوا الجيزاوي لبلده ماتقوموا بدوركم وتهتموا بيه وباللى زيه.. هتولي أخويا بقى أنا تعبت من غيره.