رسالة من احد سكان رابعة

السلام عليكم
مشكلتي بتتلخص في أني من سكان رابعة للأسف مش عارف أبدا منين ولا أقول إيه لكن عشان ما اطولش عليكم .. انا تقريبا انا واسرتي مش عايشين والأيام أو الساعات القليلة اللي جاية شكلها سودة وكل ما اسمع أو اقرأ التنبيهات بتاعة انهاردة لأهالي رابعة يجيلي حالة من الرعب على زوجتي واولادي .. انا مليش غيرهم بعد ربنا ما حلتيش غيرهم في الدنيا والله العظيم اللي بيحصل ده عقلي مش قادر يتصوره مش قادر استوعب انه فيه كدة وان ده بيحصل في مصر تحديدا ربنا يلطف بينا وعلينا .. كل اللي محتاج أقوله وبطلبه من كل قارئ رسالتي انه يدعيلنا بجد إحنا محتاجين ده اكتر حاجة .. معرفش يمكن تكون دي آخر رسالة هكتبها والله اعلم .. متشكر للجميع وعسى الله وحده القادر على كل شئ يهون علينا ويرحمنا وينصر بلادنا اللهم تقبل مني الدعاء .. أخوكم مصطفى

فضفضة
محررة الصفحة .. نيفين حجازي
أستاذ مصطفى .. لست وحدك حزين على بلادنا وما يحدث داخلها .. وان كنت تشعر بالخوف على أسرتك فانت واسرتك اخواتنا وبالقطع يعز على كل المصريين ما يحدث .. تحلى بالصبر والدعاء فالله خير حافظا وهو ارحم الراحمين .
[email protected]