مقياس الرجل .. عقله

السلام عليكم
انا عرفت شاب زميلي في الشغل من فترة طويلة وبدون ما اشعر حبيته وهوة كمان حبني لكن المشكلة انه أصغر مني بأربع سنين وبصراحة انا قلقانة من الموضوع ده وخايفة يبقى فارق بعدين في حياتنا لما نتجوز ده غير كمان ان الستات شكلهم بيكبر اسرع او بدري حسب ما سمعت ، إحنا متفقين في كل حاجة تقريبا ومفيش بيننا مشاكل وكمان هوة دماغه حلوة ومريحين بعض بس انا متوترة من موضوع السن جداً ومش عارفة اعمل ايه .
لؤلؤة

فضفضة
محررة الصفحة .. نيفين حجازي
شوفي يا لؤلؤة .. في رأيي ان ما يميز الرجل او يعيبه هو عقله والعقل عند الرجل يعتبر التيرموميتر لأشياء كثيرة أساسية وكما كتبتي أنكما متفقان إذن اين المشكلة ؟! أظن ان مصدر قلقك هو العادات الشرقية التي حكمت بتفضيل ان تكون الزوجه هي الأصغر .. لا أكثر .. اما عن ما يخص الشكل فالأمر بيدك كلما اعتنيتي بنفسك ستبدين انيقة وكلما القيتي بالهموم خلفك ستبدين مشرقة .. هذا رأيي ولك حرية الاختيار .. تحياتي

Fadfada@elfagr.org