بيعايرني علشان مش بعرف !

مساء الخير
انا في مشكلة كبيرة ومش عارفة اعمل ايه ، انا متجوزة من سبع شهور وجوزي بيتهمني بالبرود واني مش بعرف انسجم معاه مع اني والله بعمل كل اللي اقدر عليه علشان انا بحبه ونفسي ارضيه والمشكلة الأكبر ان كل لقاء بيننا بينتهي بخناقة وطبعا ده وضع مش طبيعي ومحرج لية كتير وأنا لغاية دلوقتي محرجة أتكلم معاه في الحاجات اللي بتضايقني منه ومن تصرفاته معايا في علاقتنا الخاصة ، اما انا بقت حياتي جحيم وشايفة ان الوضع كدة مش معقول يستمر خصوصا ان جوزي كمان بقى عصبي جداً ومش عارفة أتصرف أزاي او على أساس ايه .. أرجو الرد سريعا وشكرا
م . ب

فضفضة
محررة الصفحة .. نيفين حجازي
صديقتي الجميلة .. ان تتكلمي مع زوجك في المشكلة أمرا لابد منه لكن قبل الدخول في التفاصيل يجب ان ترتبي أفكارك بحيث لا تثيري استفزازه .. واخبريه انك بحاجة الى معرفة أسباب ضيقه منك ، وأنك على أتم استعداد لأرضائه فلا يوجد حرج بين الأزواج بل على العكس .. الأمر يستحق بذل مجهود من الطرفين لسلامة واستقامة الحياة ، ولا تتكلمي معه هذه المرة فيما يوترك من تصرفاته ربما يتحسن الوضع بينكما بإذن الله بدون اللجوء الى لومه ، لكن في حالة استمرار زوجك في بعض السلوكيات التي تساهم في تعقيد الأمور بينكما تكلمي معه بهدوء وانتي محافظة على ابتسامة بسيطة وانتقي الكلمات قبل ان تلقيها فالكلمة اما ان يكون لها تأثير السحر او تدمر كل شئ فاحذري ، وأخيرا أتمنى لك حياة رائعة بإذن الله .
Fadfada@elfagr.org