"كلنا خالد سعيد"تضع شروط عقد عمل الرئيس القادم

وجهت صفحة كلنا خالد سعيد خطابا للرئيس القادم لتضع الرئيس القادم لمصر امام قانون جديد يحكمه قبل ان يحكم الشعب .
وقد حددت الصفحة 8 بنود رئيسية لايجوز التعدى عليها او التخلف عنها ، هذا ومن خلال موقع التواصل الاجتماعى "فيس بوك"،مساء امس الجمعة .
وأول هذة البنود الايجوز ان يحكم الرئيس مدة تزيد عن 4 سنوات ،يجب عليه التفانى فى العمل ،واذا نال رضى الشعب سيستمر فى الحكم لمدة اخرى وان لم يحظى باعجاب الشعب سيرحل .
الباند الثانى ،ان الرئيس القادم لو مكث لمدة 8 سنين على كرسى الحكم فى حالة انه لم ينل رضى الجميع ،سيرحل لا محالة لان "البلد مبقتش عزبة يحكمها حد لحد مايموت".
الباند الثالث ،الا يضع الرئيس القادم صورته على الحيطان فى المؤسسات الحكومية ،والباند الرابع ، ان حرم الريس القادم ستكون زوجة موظف حكومة ، لايجوز لها جمع الفلوس من الحكومة للأعمال الخيرية .
الباند الخامس ،ان يحرم ولاده من المناصب السياسية التنفيذية طوال فترة الحكم "عشان عندنا حساسية من القضية دى"، الباند السادس المرتب ،المرتب سيكون معروفا وممنوع للرئيس او عائلته ، ان يتدخل فى اى شراكات اقتصادية.
الباند السابع ان يحقق الرئيس احلام المواطنين وليس ياتى بحقوقهم فقط .
الباند الثامن ان يتكلم دائما مع الشباب ويتناقش معهم .
والمطالب كما جاءت فى الصفحة :
عزيزي الرئيس القادم، شروط عقد العمل الجديد:
- حضرتك ليك عندنا 4 سنين تورينا فيهم شغلك، عجبتنا نختارك تاني معجبتناش هتمشي
- بعد 8 سنين عجبتنا معجبتناش هتمشي آه أصل البلد دي خلاص مبقتش عزبة يحكمها حد لحد ما يموت!
- مع كل احترامنا ليك بس صور تاني على الحيطان في المؤسسات الحكومية .. انسى!
- حرمك هي زوجة موظف حكومة .. نظام بقه جمع الفلوس من الحكومة لأعمال الهانم الخيرية مش هياكل معانا!
- ولادك مالهمش علاقة بالمناصب السياسية التنفيذية طول ما حضرتك ريس عشان عندنا حساسية من القضية دي!
- مرتبك هيكون لينا معروف .. وممنوع تدخل في أي شراكات اقتصادية أنت أو عيلت لحد ما تخرج منها بسلام!
- خد بالك احنا دلوقتي بقينا نفرق بين حقوقنا وأحلامنا .. الانجاز إنك تحققلنا أحلامنا مش إنك تجيبلنا حقوقنا!
- عايزينك دائما بتتكلم مع الشباب وبتناقشهم في ندوات ميكونش رئيس مكتبك اللي مختار اللي يحضرها
- ربنا يكون في عونك عشان تحققلنا اللي كنا مستعدين نموت عشان يتحق