بالفيديو.. الإعلامية عزة مصطفى للمرسى: الزم حدودك..وهو يرد :"اسألى أسئلة منطقية"

نشبت مشادة علي الهواء بين الدكتور طارق المرسي المتحدث الرسمي باسم حزب الحرية والعدالة والإعلامية عزة مصطفي في برنامج استوديو البلد على قناة صدى البلد بسبب مشاهدة مصرية تدعى أم خالد من الإمارات هاجمت الإخوان والرئيس مرسي وقالت إنه لم يحقق شيئًا حتى الآن .

المرسى قال للإعلامية عزة مصطفي: "أنتى بتسأليها عن مشروعات في مصر وهي في الإمارات وهي دي أسئلة اللي إنتي بتسأليها دى، خليكى منطقية في الأسئلة اتعلمتي الكلام ده منين".

وردت عليه قائلة: "ما تيجي تقعد مكاني ودي أسئلتي ويا سيدي إحنا بنروج للمشروع بتاعك علشان يوصل للإمارات، ورد المرسي: طيب اسأليها هي بتمطر في أسوان ولا لأ وهترد عليكي لأنك متصلة بيها وعارفها".

وهنا انفعلت عزة مصطفي وقالت: بص يا دكتور طارق الزم حدودك في الكلام وإنت قاعد علي الكرسي قصادي وإحنا ما بنتصلش بحد، ورد عليها المرسي قائلا: أنا ملتزم وكويس جدا وياريت تسأليها أسئلة منطقية .