تامر حسنى لجمهوره : صلوا على النبي وخلينا فى أخبار البلد

احمد رمضان متولى

أعرب السوبر ستار تامر حسنى عن غضبه الشديد لما تمر به مصر حالياً ، وأكد عبر صفحته الشخصية الرسمية على الفيس بوك قائلا :" كلنا زعلانين علي اللي بيحصل ، صلوا علي النبي عليه افضل الصلاة و السلام علي قد ما تقدروا ، اللهم صل وسلم وبارك على خير خلق الله سيدنا وحبيبنا و رسولنا محمد عليه أفضل الصلاة وأزكى السلام ".

على صعيد أخر ، نفى تامر حسنى كل الاخبار التى نسبت على لسانه فى الفترة الماضية وشكك فى مصداقيتها واخلى مسئوليته عنها قائلا :" انا غير مسئول عن اي حوارات بتنزل علي لساني ، اي حاجة بحب اقولها بقولها علي الصفحة هنا – يقصد الصفحة الرسمية الخاصة به على الفيس بوك - و يا جماعة لازم تعرفوا حاجة اي فنان حتي لما بيعمل حوار ساعات بيقول كلام و بيتفاجئ انه اتصاغ بطريقة تانية هو مقالهاش و ده مش معناه ان اللي عامل الحوار قاصد بس ساعات ممكن يخونه التعبير" .

وتابع :"علشان كده لما اكون عايز اقول حاجة بقولها على صفحة الفيس بوك علشان اضمن وصول الكلام دون اي تحريف , و اي حوار صحيح علي لساني هعمله هبقي انزله هنا علي صفحتنا" .

وعن الظروف السياسية السيئة وحالة الانفلات الامنى فى البلاد حالياً قال :" البلد دلوقتي بتمر بظروف صعبة اهم من اي اخبار شخصية و فنية و كلنا زعلانين علي اللي بيحصل ".

يذكر أن هذه هى أول تصريحات تخرج على لسان تامر حسنى عبر صفحته الرسمية بعد إعلان فيديو زواجه من المغربية بسمة بوسيل فى 30 أغسطس الماضى .