على محمد الهورينى يكتب .. قالك ثورة قال

الرئيس الحالي للبلاد محمد حسني مبارك الذي يحاكم محاكمة بطيخية هزلية مهلبية يحاكم بطريقة غير شرعيه ولا يقبلها العاقل ولا المجنون يحاسب مبارك علي ما بعد الثورة يعني ازاي انا اجيب رئيس من اديه واقوله يا عم الرئيس انت قتلت الناس دي في المظاهرات ليه وقطعت خطوط المحمول ليه كده ينفع يعني انت يرضيك حضرتك العيال الحبيبة ما يعرفوش يحبو انت ايه يا اخي مفيش عندك اهلك دم.
وكأن هي دي اخطاؤه الوحيده انما ما قبل الثورة والي قامت علشانه اصلا الثورة لا بصراحة او ما ظهر امام المحكمة ان الراجل عامل زي البفته البيضة او صفار البيضة الراجل ده مفرطش في شبر واحد من اراضي مصر برخص التراب ولا حاتم الجبلي اشتري ارض دار الفؤاد برخص التراب ولا الوليد ابن طلال واخد 100 الف فدان برخص التراب بردوه ولا حاجة خالص .
ولا وزع الغاز علي اسرئيل برخص التراب واحنا هنا بنتخانق علي الامبوبه والعربيات ماشية في البلد تخبط في بعضها علشان مفيش بنزين الراجل مكنش حارمنا من حاجة خالص .

ولا واحد مات في قسم شرطة خالص الراجل بصراحة كانت البلد مظبطوطه جدا في عصره والانفلات الامني الي موجود دلوقتي ده بسبب ان احنا شعب مش محترم وربنا بينتقم مننا.

ولا كان فيه تزوير ولا تضليل ولا حاجة خالص يعني انتخابات مجلس الشعب 2010 كانت نزيهية جدا واثبت ده في انتخابات 2011 الي فاز بيها الاسلاميين باطل وبالتزوير بابا حسني كان راجل ديمقراطي .

والبلد كمان مكنش بيحكمها واحد شبر ونص زي الاستاذ الدكتور الباش مهندس احمد عز وعلي فكرة احمد عز مكنش محتكر الحديد ولا حاجة خالص ومكنش بيرفع السعر وينزله بمزاجة خالص خالص .
وبأختصار وكما قالت الشاعرة ايمان البكري
مافيش سرقه ولا تهليب ولا تهريب ولا حاجة وبتقول إيه...مصمصوا إيه.... وخصخصوا إيه ده كله كلام مفيش حاجه ... قضية إيه ... ياشيخ روح خلاص مافيش حاجه
حرامى إيه ... ولَكّح إيه ... وهرّب إيه؟ شفافيه مافيش حاجة
وبتقول إيه ... لالالآلأ عيب لافيه تدليس ولاترقيص ولا تدبيس ولا حاجه
أسيبكم مع الارقام و باقى الصورة القاتمة:
الأحوال المالية ديون : إجمالي 614 مليار جنيه
الفقر :44% من الشعب تحت خط الفقر,أقل من1 دولار في اليوم
نقود مهربة : 300 مليار دولار خرجت من البلاد
الجنيه المصري : الدولار= 85 قرش سنة1981م و 6 جنيهات وربع سنة 2005 م
الأحوال الصحية:
السرطان : تضاعف 8 مرات ..
أعلى نسبة في العالم الذبحة الصدرية :20 % من الحالات شباب تحت الأربعين
البلهارسيا : أعلى نسبة في العالم
السكر : 7 ملايين .. 10 % تقريبا من عدد السكان
التلوث : أعلى نسبة في العالم...
تلوث للهواء ومياه الشرب والتدهور في التربة والمناطق الساحلية..
خسائر 30 مليار جنيه
الانفاق الحكومي: 10 دولار للفرد سنوياً
عشوائيات : 45% من الشعب يسكن العشوائيات.. 35 منطقةعشوائية بالقاهرة فقط
موظف الحكومة : تحت خط الفقر ويؤخذ منه ضرائب( ستة جنيهات متوسط دخل الموظف يوميا
رشوة،.... محسوبية،.... بلطجة، ....توريث المهن، ....عُري، ....زواج عرفي.... ,قتل الأزواج،.... امتهان وتحرش بالنساء،.... ألفاظ بذيئة،.... صحافة .....غش جماعي.... وجريمة ....و تسول.
الأحوال السياسية
سيطرة وفساد النخبة الحاكمة، ....مراكز قوى، ....،تزوير انتخابات....،قمع المعارضة.....،اعتقالات....،تعذيب حتى الموت....،انتهاك لحقوق الإنسان،.... إلغاء دور النقابات.... والجمعيات الأهلية.... مشاريع قومية متوقفة.... او خاسرة ....القضاء على الأمية قبل عام 2000 ،

وفي نهايه البرنامج ينام الرئيس الحالي لجمهورية مصر الملكية علي فراش الهيبة بيلعب في منخيروه ويروح السجن بالطيارة ويرجع بالطيارة واحنا عمرنا ما ركبنا طياره احنا نتحاكم علشان بنعبر عن حريتنا وثورتنا ونتحاكم في محاكم عسكرية وناخده بالجذمة في التحرير وندهس بعربيات الجيش ويتفقع عنينا .
ولكن لا يمكن ابدا ان تقوم دوله يتلاعب بها العسكر بشباب طالبوا بالتغير ولم ولن تقوم دوله بدون عدل فالعدل اساس الملك .