بحب الراجل الجامد

مساء الخير أستاذة نيفين ....
أنا عندي 22 سنة عارفة ان سني صغير ويمكن ده اللي مخليني حاسة بالمشكلة اكتر .. كل الحكاية أني اتخطبت من 3 شهور وكانت خطوبة صالونات وانا زي كل البنات لية مواصفات في الراجل اللي هتجوزه ومنها واهمها شكله أنا بحب الراجل الوسيم وياريت لو يكون ملفت وجامد.... كل أصحابي بيقولوا أني جميلة وتعليمي كويس ومن عيلة غنية يبقى لازم أتجوز واحد من نفس المستوى ولما أتقدم لي الشخص ده مكنش فيه المواصفات دي خصوصا الشكل لكن لفت نظري فيه كلامه لية .... طول الوقت بيغازل فية وبيعاملني بطريقة شيك جداً لكن مش قادرة احبه او أتخيل ان ده يكون جوزي مع انه ناجح في شغله وبيلبس حلو وأهله مش اغنيا أوي لكن معقولين ... مش حاسة أني هقدر اتباهى بيه قدام صحباتي لكن لما قلت كدة لأهلي عارضوني طبعا وقالولي أني مش عارفة مصلحتي ودلوقتي أنا محتارة اكمل ولا افك الخطوبة دي ..... ارجو الرد
نونا


فضفضة

محررة الصفحة .. نيفين حجازي

صديقتي العزيزة .. لايمكن لنا ان نقدر ونقيم البشر بهذه المعايير الساذجة السطحية .. والمهينة في الوقت نفسه .. وأول من اخطأ في حقك قبل نفسك هم والدك ووالدتك فبدلا من ان ينصحوكي بعدم معرفتك لمصلحتك بعد رفضك لهذا الشاب كان الاولى ان يعلمونك كيف تحترمين وتقيمين البشر كيف تكونين زوجة كيف تكون العلاقة الزوجية من الاساس.. صغيرتي .. العلاقة الزوجية من اهم وأرقى العلاقات الانسانية وما ارسلتيه يؤكد لي على خبرتك الضئيلة بأمور الحياة ككل .. نصيحتي لك التخلي عن فكرة الشكل التي تقيمين بها الرجل فأنتي نفسك لم يدع لك الزمن رفاهية الاحتفاظ بجمالك طويلا .. صديقتي .. لقد ظلمتي نفسك وخطيبك بما تعتقدين فيه .. ارجو مراجعة حساباتك مرات عديدة .. اتمنى لك التوفيق .. تحياتي