مسيره للاطباء بالبلاطى لاحياء ذكرى اربعين الشهيد الطبيب علاء عبد الهادى

اعلن طلاب كلية الطب جامعة عين شمس انضمامه لثورة 25 يناير الجديدة بعد غد انطلاقا من حب الوطن والحرص على تحقيق اهداف الثورة التي سقط من اجلها الشهداء ونزفت دماء المصابين .

واصدر الطلاب بيانا يؤكدون فيه على اسباب مشاركتهم والاهداف التي يريدونها حيث قالوا:
"عدى 40 يوم على استشهاد الدكتور علاء عبد الهادي و عدي شهور على استشهاد شباب تانيين و عدى سنة بالضبط على استشهاد اول شهداء للثورة يوم 25 يناير اللي فات و كل اللي بيحصل اننا كل يوم بنفقد شهداء اكتر و ياريتنا بناخد حقنا من اللي قتلهم ولا بنبرد نارنا منه و لا حتى بيتقدم للمحاكمة ..

و كلنا عارفين مين اللي قتل اخواتنا من اول 25 يناير اللي فات لغاية امبارح
. معادش هينفع السكوت... ملناش اي مطالب غير ان اللي قتل اخواتنا يتقدم للمحاكمة و ياخد جزاءه واللي حصل و لسه بيحصل قدام عنينا كل يوم بيقول ان ده مش ممكن يتحقق غير لما نكمل اللي بدأوه مش من شهر ولا شهرين ... لأ اللي بدأوه من سنة بالضبط احنا نازلين كلنا نكمل ثورتنا بكل سلمية .. و كل اللي هيشترك في المسيرة هيشترك بكل سلمية... احنا دكاترة و طلبة في كليات الطب و هينضم لينا باقي كليات جامعة عين شمس و كلنا هنروح ننضم لمسيرة جامعة القاهرة " هكذا عبر القائمون على المسيرة التى سيتم تنظيمها يو 25 يناير القادم .

والجدير بالذكر انه سوف يتم انطلاق المسير فى العاشرة صباحا من اما مسجد النور فى العباسيه امام كلية الطب جامعة عين شمس متجهة الى ميدان التحرير.

وقد حدد القائمون بالمسيرة بعض الشعارات ومنها " ياللى بتسأل احنا مين ... احنا شباب 25" و " يا طنطاوى قالك ايه ... قبل ما يمشى سعادة البيه .... قالك احبس فى الثوار...... قالك اقتل فى الأحرا...... قالك ارفع فى الأسعار ...خلى العيشة مرار فى مرار".