حق الرد مكفول..على مانشر بعنوان "حنهدمها ونبنيها من جديد ثورة 25يناير 2012 باي باي سلمية" حيث قال أدمن الصفحة "

نشرت منذ أيام على بوابة الفجر تقرير عن أحدى الجروبات على موقع الفيس بوك تحت عنوان "حنهدمها ونبنيها من جديد ثورة 25يناير 2012 باي باي سلمية" حيث قال أدمن الصفحة "محمد خنيفر " فى تعليق له .. "والأن تخيلوا معايا أننا جبنا البلد دي الأرض يوم 25 يناير القادم ثم بداءنا نبنيها طوبة طوبة..طوبة فضة وطوبة ذهب طوبة ياقوت وطوبة مرجان بلدنا حتكون جميله إزاى !! " وعلقت على ماكتبه خنفير بالنص "واضح أن خياله واسع شوية"

اليوم إتصل بى صاحب التعليق وعرفنى بأنه دكتور بإحدى المستشفيات فى الأسكندرية، وقال أنه كل ما كتبه كان مجرد نوعاً من الهزار مع أصدقاءه، وبوابة "الفجر الإليكترونية" تحترم قرائها بنشر الرد الذى أرسله الدكتور محمد خنيفر ونصه كالتالى..

"ردا على هذ الخبر أوضح أنا محمد خنيفر انه لاصحة لأي ما هو مزعزم من تخطيط لتخريب مصر بل أنى كتبت هذا التعليق كنوع من السخرية والهزار على تفكير من يقوم بمثل هذه الأفكار والدعوات، وكأنهم يعنى فالحين يبنوها طوبة فضة وطوبة دهب، وأنا أول واحد أقف مع بلدى، وعمرى ما أفكر أخرب البلد، وأنا بحب بلدى، وطبعا واضح من كلامي في جروب أنى كنت بهزر وذلك واضح جداً من أسلوبى فى الجملة، وإحساسى أنه من الممكن أن يفهم معنى كلامى بالغلط، قمت بإرسال التوضيح،وأنا بحب مصر جدا وعمري مافكر أهدمها أو أخربها، بالعكس انا اول واحد ابنيها واقف ضد اي حد يفكر يلوثها والكلام اللي كنت كاتبه في الجروب ده كله هزار وعلى سبيل الدعابة مع اصدقائى وواضح من الكلام اني بقول طوبة فضة وطوبة دهب والكلام ده اني بهزر وانا لما حسيت اني ممكن حد يفهمني غلط غيرت الجروب وضعت وجعه نظري طبعا وانا عمري ما اخرب بلدي ولا عمري ادعو للتخريب بالعكس انا كنت بسخر من فكر بعض الناس المتخلفة اللي بتقول الكلام ده وقال احنا بقى حنبنيها ظوبة فضة وطوبة دهب ياريت تنشر كلامي ده في الموقع للتوضيح أو إعطيني رقم موبايلك ..وشكراً"