مقدم شرطة يحذر ويطمئن الشعب المصرى من يوم 25 يناير القادم

نشر المقدم شرطة "أحمد طاهر" تعليقاً تحت عنوان "واحد من الشعب مش محامى الشعب" على موقع الإئتلاف العام لضباط شرطة بورسعيد.. يحذر فيه المواطنين ويحثهم على حماية المنشأت الحكومية والعسكرية فى يوم 25 يناير القادم.

قال طاهر بالنص.."إيه رأيكم نعمل زى الأخ عمر عفيفى، ونقول للناس يعملوا إيه يوم 25 يناير القادم.. يوم 25 يناير ده يوم الثورة العظيمة، هنجمع بعض ونلم بعض من البيوت ومن المقاهى ونأخذ معنا أولادنا وستاتنا وأصحابنا وكل اللى نعرفه..ولازم الكل ينزل والكل يشترك..إبعدوا عن الميادين الكبيرة..وكل واحد فى محافظته ومحل إقامته.

كل واحد نازل يأخذ معه أكله وأكل عياله ويلبس تقيل،ومافيش مانع يبقى مع كل واحد كوفية أو بلطوا لأن الجو ساقع والموضوع هيطول..خلوا صبركم طويل وشدوا حيلكم نصر ربنا قريب خلاص هانت،مجلس الشعب خلص والشورة قربت وأنتم إللى إختارتم، وقريباً هيبقى فيه واحد منكم رئيس جمهورية وأنتم إللى هتختاروه أيضاً.

المهم هيروح كل مجموعة من الشوراع الضيقة، وتعدوا على أولاد البلد والناس الطيبين تأخذوهم وتطلعوا على المنشأت الحكومية والشرطية وماتنسوش مٌعسكرات الجيش..وبكرر أهو مُعسكرات الجيش وطبعاً أنتم عارفين ليه.

كل مجموعه من ولاد مصر يعملوا حائط بشرى يحموا بيها أخواننا وأولادنا الموجودين فى الأماكن دى، وعشان كمان مايحصلش إحتكاك مع شباب الثورة ماهما برضو ولادنا، وإحنا السبب فى إللى هما فيه طبعاااا.. أنتم فاهمين قصدى..

متخافوش اليوم ده لو عدى مصر كلها هتعدى..وبكرر وبحذر وموش بهزر كله لازم ينزل وإبعدوا عن الميادين خليكوا فى حوارى المحروسة طبطبوا عليها وطمنوها إن إحنا موش ساكتين".