هاشتاج "التلات بتاع حمدين" يدعو للتصويت لصباحى.. ناشط: "كنت ناوى اقاطع بس هانزل اصوت".. وآخر يسخر: "طب والخميس بتاع مين"

* مؤيدو حمدين يدشنون هاشتاج "التلات بتاع حمدين" للحشد للتصويت لمرشحهم
* "الهاشتاج" يدخل فى قائمة الأكثر تداولاً فى ساعاته الأولى
* ناشط: بلاش تسيب صوتك يتزور.. إنزل وعرفهم إنت مين
أسس عدد من النشطاء المؤيدين لحمدين صباحى، هاشتاج أسموه "التلات بتاع حمدين" عبر موقع التواصل الاجتماعي "تويتر"، وذلك للحشد للتصويت لحمدين صباحى اليوم، الثلاثاء، آخر يوم لتصويت المصريين فى الانتخابات الرئاسية.
وجاءت التغريدات مؤيدة للفكرة حتى بعض المقاطعين للانتخابات قرروا عدم المقاطعة والنزول للتصويت لصباحى، فكتب IM KEKO: "والله العظيم كنت ناوي أقاطع بس خلاص أنا هانزل أصوت لحمدين"، وغرد mostafa 19931010: "العواجيز امبارح VS الشباب النهارده فيه أمل والمسرحية هتقلب لفيلم رعب"، وقالت AyaMohamad: "هانزل وآخد العيال أصحابى اللى كانو مقاطعين زيي:))".
ووجه المايسترو رسالة للمقاطعين قائلا: "بالنسبة للمقاطعين.. لما تضرب علي قفاك وإنت مروح بليل متأخر من شغلك وتتشد اشتباه.. افتكرك إنك انت اللي جبته بإيدك"، وقال MHMDAbdelrahman: "للأسف هنضطر نستخدم السلاح ده، اللي هيقاطع بكره.. ريهام سعيد هتعمل معاه حوار: راضي عن نفسك وانت مقاطع"، كما قال MahmoudAfify: "بلاش تسيب صوتك يتزور، انزل وعرفهم إنت مين".
Karim_Magued يرى أن نسبة المشاركة أمس تشجع على النزول، حيث كتب: "مابكرهش حد بس صوتي لحمدين صباحي، نسبة المشاركة اللي جت على غير التوقعات تشجع على النزول لأنها أثبتت إن التوقعات مش كل حاجة"، وقال Kemety: "تخيل بقى لما الإقبال ما يبقاش كبير ونسبة حمدين بكره تزيد جدا بنزول الشباب، منظرهم يبقى عامل إزاي يلا احشد بقى".
كما علقت HagerAhmedDiab: "لو كل انتخابات نزل فيها واحد فلول ولا عسكري هتقاطعها يبقي عمر ما الثورة هتحكم.. مش هيسيبوهالك بالساهل كدا".
وسخر بعض النشطاء، حيث غرد A7md_Abydos: "قوم نادى ع الصعيدى وابن أخوك البورسعيدى وقولهم التلات بتاع حمدين"، وقالت SaraMicky: "عادى جدا يكون التلات بتاع حمدين والاربع سنين الجاية بتاعت السيسي"، وقال Fgebriel: "طب ويوم الخميس بتاع مين؟!".
جدير بالذكر أن "#التلات_بتاع_حمدين" دخل فى القائمة الأكثر تداولاً فى مصر فى الساعات الأولى لتدشينه.