هتغيب هخصملك.. اعترافات مثيرة لقات ل مدير كافيه بمستشفى في التجمع

يواصل موقع صدى البلد نشر نص اعترافات عامل في تحقيقات النيابة العامة، في واقعة ارتكابه جريمة قتل مدير كافيه بمستشفى خاص شهير ب التجمع الخامس.
وجاءت اعترافات المتهم في تحقيقات النيابة العامة كالآتي: "اسمي محمد م، 23 سنة واعمل عامل بكافيتريا مستشفى شهير بالتجمع الخامس في القاهرة الجديدة وحصل بينا خلاف".
قا..تل مدير كافيتريا بمستشفى خاص ب التجمع: مكنش قصدى أموّته | اعترافات
ضربته وشربت سيجارة حشيش..اعترافات المتهم بق.تل مدير كافتيريا بمستشفى التجمع الخامس| خاص
وما هي بادرة نشوب ذلك الخلاف بينك وبين المجنى عليه؟
ج : من حوالي عشر شهور قبل الواقعة كنت قولتله انا مش هقدر أجي الشغل ولقيته بيقولي إنتا هتيجي ومش هينفع تغيب ولو غيبت عن الشغل هخصم منك 3 أيام، وهو علشان مديري في الشيفت اللي أنا شغال فيه وكان دائما وقت البريك بيتلكك وكان بيحصل بنا دايما مشادات كلامية، بس محصلش أى تعدي على بعض ما بنا قبل كده.
جريمة التجمع الخامس
س: ما هو الخلاف الذى أدى الى واقعة التعدى محل التحقيق ؟
ج: هو الخلاف اللي حصل بيني أنا وإسلام الضحية علشان يوم الواقعة أنا اطلعت بره علشان أشرب سيجارة في البريك بتاعي وطلع إسلام اللي هو الضحية مديري في الشغل لقيني قاعد أنا ومصطفى أمين زميلي برا بشرب سجاير و شاي ولقيته بيقولي انت طلعت ليه بره وسايب الشغل وقالنا خلصوا السيجارة وادخلو شوفوا شغلكم وأنا ولعت سيجارة ثاني ولقيت إسلام جالي تاني وبيقولي اطفي السيجارة دى وادخل دلوقتي حالا وأنا قولتله هو انتا يا اسلام بتلككلي ليه هو ينفع تقل منى قدام الناس هوه أنت فاكرني إيه، مقلق منك يعنى انت كدة بتتلكك ولقيته بيقولي:" ايوه انا بتلكك ولا أقولك يا عم خلص السيجارة وامشي روح".
س: ومتى تحديدا كان ذلك الخلاف ؟
ج: هو الخلاف ده كان يوم الواقعة .
س: وما الحوار الذي دار فيما بينكما تحديدا؟
ج: هو قالي انا مش قولتلك متطلعش تولع سجاير وتسيب الناس برا وشدينا مع بعض في الكلام وراح اتصل بصاحب الكافتيريا وقاله، وبعدها لقيته بيقولي انتا اتوقفت عن الشغل وانا ساعتها اضايقت منه علشان تسبب في وقفي عن العمل.
س : وما الحالة التي كنت عليها عقب ذلك ؟
ج : انا اضايقت منه علشان تسبب في وقفني عن العمل وأنا قولتله منك لله.
س: وما التصرف الذي بدر منك؟
ج: انا دخلت غيرت هدوم الشغل ودخلت الكافيه طلبت كوباية قهوة وقعدت علشان أشربها وأمشي.
س: وهل غادرت محل عملك عقب ذلك ؟
ج: أنا قعدت في الكافيه لحد ما خلصت القهوة بتاعتى وبعد كدة مشيت وروحت علشان اركب من عند آخر سور المستشفى الجوي ولما وصلت هناك لقيت إسلام واقف وأنا روحتله.
س: وهل تعقبت المجنى عليه حال مغادرته محل عمله متجها إلى مكان انتظار الحافلة؟
ج: قابلته قولتله يا اسلام هو انت ليه مستقصدني هو انت شايفني غلط ليه كل مرة بترازي فيه قالي أيوه انا برازي فيك وقاصدك انت وبعدها ومسكنا في بعض.
س: وما هي كيفية نشوب التعدى فيما بينك وبين المجنى عليه؟
ح: انا لما لقيته مسك فيا مسكت فيه واتخانقنا مع بعض أنا وهوه
س وهل كان المجنى عليه بامكانه التعدى عليك ؟
ج أيوه
س وما الذي حال دون ذلك ؟
ج انا طلعت المطوة من جيبى وضربته في دراعه وفي جنبه الشمال.
س: كم عدد الضربات التي كلتها للمجنى عليه حال قيامك بالتعدى عليه ؟
ج انا ضربته كذا ضربه ورا بعض مش فاكر عددهم
س وأين استقرت تلك الضربات بجد المجنى عليه ؟
ج : انا ضربته كذا مرة في دراعه من تحت وكنت بقوله اوعى ايدك يا اسلام علشان منموتش بعض.
وكانت اصطحبت الأجهزة الأمنية، المتهم بقتل مدير كافتيريا داخل مستشفى بالتجمع الخامس لتمثيل جريمته للوقوف على ملابسات الواقعة تحرر محضر وأخطرت النيابة العامة التي تولت التحقيق.
البداية عندما، تبلغ لقسم شرطة التجمع الخامس، يفيد بوجود شخص مصاب بطعن سكين بنهر الطريق شارع التسعين الجنوبي، وبالاتصال بالمبلغ "أحد المارة ويدعى رضا احمد، أفاد بنقل المصاب بمعرفة الإسعاف من أعلى الرصيف إلى المستشفى الجوى حال انتظاره لركوب احدى وسائل المواصلات والصرف من محل البلاغ وبالانتقال إلى مستشفى الجوى تبين تواجد المصاب المدعوا اسلام ا. 23 سنة، مصاب بطعنة بالصدر.
ووضعت الشرطة، خطة بحث بمعرفة مدير الإدارة من أهم بنودها فحص علاقات المجنى عليه والمترددين عليه، فحص كاميرات المراقبة بمكان الحادث، مناقشة اهلية المجنى عليه واثناء السير في بنود خطة البحث وباستخدام التقنيات الحديثة وباجراء التحريات ومراجعة كاميرات مستشفى نسائم محل عمل المصاب تم تحديد المتهم مرتكب الواقعة عامل بالكافتيريا، وتبين وجود مشادة كلامية بين المصاب مدير الوردية بالكافتريا والمتهم عامل بالكافتيريا، تطورت إلى قيام المتهم بالتعدى بالسب على المصاب وقيام المصاب بالاتصال بصاحب الكافتيريا وانهاء عمل المتهم وبمراجعة الكاميرات تبين قيام المتهم بالتواجد داخل المستشفى رغم انتهاء موعد العمل والخروج خلف المصاب لتعمده احداث اصابته وعليه بإجراء التحريات واستخدام التقنيات الحديثة أمكن ضبط المتهم مرتكب الواقعة.
وبمناقشة المتهم عن الواقعة اعترف تفصيلا بارتكابه للواقعة وقيامه بتعقب المجنى عليه عقب خروجه من العمل ومشاهدته بالطريق بمفرده فقام باستخراج سلاح أبيض عبارة عن مطواه محدث بها اصابته وفر هاربا وبمناقشته عن مكان السلاح المستخدم في ارتكاب الواقعة أقر بقيامه بالتخلص منه والقائه بالطريق الدائرى.