مخدرات وتزوير| مفاجآت من العيار الثقيل بقضية عصام صاصا.. ومصادر تكشف مصيره

تسلم ضباط مطار القاهرة الدولي، صباح اليوم السبت، مطرب المهرجانات عصام صاصا، وسط حراسة أمنية، بعد قدومه من دولة الإمارات، ومن المقرر أن يتم ترحيله إلى قسم شرطة الطالبية، لحضوره جلسة غد الاحد التي تنعقد في مجمع محاكم «زينهم» بتهمة تعاطي المواد المخدرة.
وتصدر تلك القرارات في الجرائم المعاقب عليها بالحبس، ويمكن للصادر بحقه قرار إدراج أو منع من السفر، التظلم عليه أمام المحكمة المختصة خلال 15 يومًا من علمه بالقرار.
وأوضحت المصادر، أن عصام صاصا تم ترحيله إلى مديرية أمن الجيزة، تمهيدًا لاتخاذ الإجراءات القانونية اللازمة، بعد صدور قرار ضبطه وإحضاره، لاتهامه بالتسبب في مصرع موظف، أعلى الطريق الدائري، تحت تأثير المخدر.
القبض على عصام صاصا
ووجه مؤدي المهرجانات عصام صاصا، رسالة للجمهور في فيديو جديد له من دبي عبر حسابه على موقع التواصل الإجتماعي "فيسبوك" يتحدث فيه عن أزمة دهس شاب على الطريق الدائري، وذلك قبل نزوله إلى مصر والقبض عليه من قبل الشرطة داخل المطار بالإمارات.
وقال عصام صاصا بالفيديو باكيا ومنهارا: "عاوز أتكلم معاكم في حاجات مهمة، وأنا دلوقتي نازل بلدي وممكن يكون الفيديو ده آخر فيديو ليا هتشوفوه، وممكن تجرالي حاجة بعده، وممكن أتاخد في المطار.. أنا عاوز أفهم الناس إيه اللي حصل معايا بالظبط وإيه اللي أنا فيه.. عشان لقيت ناس كتير مش فاهمة أي حاجة وتدخل تقول كلام مش حاصل".
وتابع: "كنت راجع من شغلي ورايح أجيب ابني أعمله عقيقة أفرح بيه، وأنا راجع في الطريق وعلى نص الدائري بالظبط كنت ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش على اليمين".
وأوضح: "ربنا يعلم أنا كنت حاسس بإيه ساعتها من أجل الراجل المتوفي وأسرته، والناس قالت عليا إني بدوس على الناس بفلوسي، وماشي بخبط الناس بفلوسي، أنا والدي متوفي من وأنا عندي سنة وعشت عمري كله مع والدتي وعشنا أيام تحت خط الفقر، وأنا ربنا كرمني من سنتين تلاتة، ومكنتش حابب أطلع أرد، لكن أنا ممكن أنزل ماتشفونيش تاني".
وأضاف: "أنا لبست قواضي وحوارات مش حواراتي، وأنا أغلب من أني أعمل أي حاجة في الدنيا غلط .. أنا محتاج دعمكم جدا وتفضلوا جنبي، وتدعولي وتقفوا معايا، ولو كنت سبب في يوم من الأيام أني أفرح أي حد يدعيلي".
رحلة 5 ساعات.. إيداع عصام صاصا سجن الكيلو 10.5 في الجيزة
ترحيل عصام صاصا من مطار القاهرة ونقله للنيابة استعدادا للمحاكمة
وأختتم عصام صاصا: "أنا راضي بقضاء ربنا وواثق في القضاء المصري وأنه مش هيظلم حد ولا هيجي على حد، وأقسم بجلالة الله أنا أقل خلق الله وعمري ما هدوس على الناس بفلوسي ولا حيلتي الفلوس اللي تخليني أعمل كده".
دافعت جهاد أحمد عن زوجها مؤدي المهرجانات عصام صاصا، بعد ظهوره في مقطع فيديو وهو منهار من البكاء قبل عودته إلى مصر وإلقاء القبض عليه في مطار القاهرة.
ونشرت زوجة عصام صاصا استوري عبر «إنستجرام»: «أکتر حاجه تعباني إني حاولت في الأول أدافع عن عصام أنه مظلوم بس الترند خلاكوا ماتشوفوش الحقيقة».
وأشارت: «دلوقتي بتقولو حرام دا مظلوم ليه بيحصل فيه كده، مش طالبة حاجة غير ربنا يرجعوا ابنه وبيته».
كان مطرب المهرجانات عصام صاصا، تم اتهامه بالقتل الخطأ من خلال قيامه بدهس سائق أعلى الطريق الدائرى بالجيزة ما أدى إلى مصرعه، وذلك أثناء قيادة المتهم سيارته تحت تأثير المخدر، وتم إحالة عصام صاصا الى المحاكمة والتي نظرت القضية وتم تأجيلها 11 أغسطس لحضور المتهم.
وتمكنت الأجهزة الأمنية من القاء القبض أيضا على شقيق عصام صاصا لقيامه بتزوير توكيل قضائى من الشهر العقارى باسم عصام صاصا يمكنه من الدفاع عنه دون حضور الجلسات.
وفي وقت سابق، أثبتت المحكمة في بداية الجلسة غياب المتهم ليترافع محاميه محمد حمودة، ويطالب هيئة المحكمة بتأجيل نظر القضية لحين حضور موكله أمام المحكمة، ليرد رئيس المحكمة على الدفاع: «لو هتجيب عصام صاصا ماشى مش هتجيبه هنستخدم الحق القانونى اللى بتنص عليه مواد قانون الإجراءات الجنائية».
وقال الدفاع: «أنا كده كده هجيبه للمحكمة لكن باطلب رفع قرار الضبط والإحضار»، وقال رئيس المحكمة: «المادة 384 من قانون الإجراءات بتقول إنه يجوز للمحكمة الحكم في غياب المتهم في حالة عدم حضوره ويجوز لها أن تؤجل الدعوى وتأمر بإعادة تكليفه بالحضور، والمحكمة لها استخدام حقوقها القانونية في هذا الشأن».
وأثبتت زوجة المجنى عليه أمام المحكمة تنازلها عن اتهام عصام صاصا بالقتل الخطأ لزوجها الراحل، بمحض إرادتها، عنها وعن أولادها الأربعة، بصفتها الوصية عليهم لكون جميعهم قصر لم يبلغوا السن القانونية.
عقوبة عصام صاصا
ووجهت النيابة للمتهم تهمة القتل الخطأ للمجنى عليه أحمد مفتاح، سائق، والقيادة تحت تأثير المخدر بعد ثبوت إيجابية تحليل المخدرات الذي أجرته له النيابة بمعرفة الطب الشرعي لتحيله للمحاكمة بتلك الاتهامات.
وحسب الدفاع، فإن المتهم كان متواجد خارج البلاد عقب مغادرته عبر المطار بعد قرار إخلاء سبيل بكفالة 30 ألف جنيه، قبل صدور قرار بضبطه وإحضاره على خلفية ورود تقرير الطب الشرعى الذي أفاد بتعاطيه المواد المخدرة.
من جانبه، حرص مطرب المهرجانات حمو بيكا، على دعم صديقه عصام صاصا على إثر قضيته الشهيرة التي دهس فيها أحد الأشخاص على الطريق الدائري، والتي أثرت عليه ومر بأزمة نفسية سيئة.
وكتب حمو بيكا، في منشوره عبر صفحته الرسمية بموقع التواصل الاجتماعي «فيسبوك»: «ربنا معاك يا صاحبي ويفك كربك، أنت من أجدع الشخصيات اللي عرفتها، وحد جدع وابن بلد ومبتأذيش حد، فأكيد ربنا مبيعملش حاجة وحشة، وربنا هيقف جنبك، وكلنا في ظهرك وجنبك يا حبيبي ومتقلقش ربنا كبير».
ربنا معاك يا صاحبي.. حمو بيكا يدعم عصام صاصا بعد القبض عليه
لبست قواضي وحوارات.. عصام صاصا يتحدث قبل الحكم عليه في حادثة الدهس
وجاءت المادة 76، لتقضى بمعاقبة كل من قاد مركبة وهو تحت تأثير مخدر أو مسكر أو السير عكس الاتجاه في الطريق العام داخل المدن أو خارجها، بالحبس مدة لا تقل عن سنة.
وأفادت المادة بأنه حال ترتب على ذلك وفاة شخص أو أكثر أو إصابته بعجز كلي، يعاقب بالحبس مدة لا تقل عن 3 سنوات ولا تزيد على 7 سنوات وغرامة لا تقل عن 20 ألف جنيه.
وتقضى المادة القانونية، بأنه في جميع الأحوال يقضى بإلغاء رخصة القيادة، مع عدم جواز منح رخصة جديدة إلا بعد مرور مدة مساوية لمدة الحبس المقضي بها عليه.