«التريند خلاكم متشوفوش الحقيقة».. أول تعليق من زوجة عصام صاصا بعد ترحيله إلى مصر للمحاكمة (فيديو)

علقت جهاد ماهر، زوجة مطرب المهرجانات عصام صاصا، على أزمة زوجها الأخيرة وهي قضية دهس أحد الأشخاص على الطريق ما أدى إلي وفاته فورا، والقبض عليه بالإمارات وترحيله إلى نصر، قائلة إنه هو من اختار العودة إلى مصر لنظر القضية غدا.
القبض على عصام صاصا
وكتبت جهاد عبر استوري على حسابها الشخصي بموقع التواصل الاجتماعي تبادل الصور والفيديوهات الانستجرام: 'أكتر حاجة تعباني أني حاولت في الأول أدافع عن عصام أنه مظلوم بس التريند خلاكم متشوفوش الحقيقة ودلوقتي بتقولوا حرام دا مظلوم ليه بيحصل فيه كدا، مش طالبة حاجة غير أن ربنا يرجعه لابنه وبيته'.
وتابعت: 'على فكرة محدش قبض على عصام زي الأخبار ما بتنزل، عصام هو اللي نزل عشان القضية بكرا، وكان عامل الفيديو قبل ما ينزل عشان مش عارف هو هيحصل ايه معاه في الجلسة'.
حادثة الدهس
وألقت السلطات الأمنية في دولة الإمارات، بالتنسيق مع الإنتربول المصري، القبض على مغني المهرجانات عصام صاصا، جاء ذلك بعد إدراج اسمه على قوائم الترقب والوصول لإدانته في قضايا تعاطي مخدرات ودهس شخص.
وتسلم ضباط مطار القاهرة الدولي، صباح اليوم السبت، عصام صاصا، بعد قدومه من دولة الإمارات، ومن المقرر أن يتم ترحيله إلى قسم شرطة الطالبية، لحضوره جلسة غد الأحد التي تنعقد في مجمع محاكم 'زينهم' بتهمة تعاطي المواد المخدرة.
عصام صاصا ينهار باكيًا
قال عصام صاصا مطرب المهرجانات، أنا دلوقتي نازل بلدي وممكن يكون هذا الفيديو أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة.
وأضاف صاصا في فيديو له عبر موقع فيسبوك قبل قليل: أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين.
وتابع: ربنا يعلم أنا كنت حاسس بأيه وقتها، والناس قالت عليه أني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني.
وأردف: أنا لبست قواضي وحوارات وأنا أغلب من أني أعمل أي حاجة في الدنيا، أنا محتاج دعمكم جدا وتدعو لي وتقفوا معي ولو كنت سبب في يوم من الأيام أني أفرح أي حد أنه يدعيلي، وأنا راضي بقضاء ربنا وواثق في القضاء المصري وأنه مش هيظلم حد ولا هيجي على حد، وأنا أقل خلق الله وعمري ماهدوس على الناس بفلوسي ولا حيلتي الفلوس اللي تخليني أعمل كده.