بعد تراجعها عن الاعتذار.. طليقة حسن شاكوش تفجر مفاجأة ل رضوى الشربيني

نشرت ريم طارق طليقة حسن شاكوش، مقطع فيديو قصيرا لها عبر ستوري حسابها الخاص بتطبيق "إنستجرام"، وجهت من خلاله رسالة للإعلامية رضوى الشربيني.
وقالت طليقة حسن شاكوش، في مقطع الفيديو، ل رضوى الشربيني: «أنا عاملة الفيديو دوت علشان أوضح الفيديو اللي انتشر على السوشيال ميديا إن أنا خدت حقوقي وكده.. أنا كان إجباري عليا إن أنا أعمل الفيديو عشان آخد حاجتي.. وبعد ما أخدتها الفيديو نزل وكان لسه المفروض لما المشكلة تخلص الفيديوهات تنزل».
أنا عيلة ورجعت فكلامي.. طليقة حسن شاكوش تتراجع عن الاعتذار وتفجر مفاجأة
أخدت كل حقوقي الشرعية.. طليقة حسن شاكوش تكشف تفاصيل الصلح بينهما
بسبب التورّط في شائعة وفاة إيمان البحر درويش.. بلاغ للنائب العام ضد حسن شاكوش
بعد غياب .. زوج الخبرة يتحدث عن زواج الرجل بأكثر من مرأة
وتابعت طليقة حسن شاكوش: «بس هرجع وأقول ما فيش صلح حصل وكل اللي حصل كان فيلم ولعبة علشان السوشيال ميديا والإعلاميين يهاجموني، أستاذة رضوى إنتي ما تعرفيش أنا اتعرضت لإيه عشان أعمل الفيديو ده.. وأنا كل حاجة اتكلمت فيها قبل كده كانت بدليل.. وكل حاجة معايا أقسم بالله أقسم بالله كل دليل معايا.. وأنا قلت الصلح خير بس من الواضح إن الطرف التاني مش حابب ده».

رضوى الشربيني تعتذر ل حسن شاكوش
علقت الإعلامية رضوى الشربيني، خلال حلقتها الجديدة من برنامجها "هي وبس"، عبر قناة Cbc، على واقعة انتهاء الخلاف بين مطرب المهرجانات حسن شاكوش وطليقته ريم طارق؛ بعد تصدرهما لعناوين المواقع الإخبارية، وحديث الجمهور عبر مواقع التواصل الاجتماعي خلال الأشهر الماضية، ورفع الأخيرة عدة قضايا ضده، مشددة على أن هذه القضية شغلت اهتمام الكثيرين؛ بسبب تعاطف الجمهور مع ريم، وضرورة إعطائها حقوقها، وإنهاء العلاقة بينهما في هدوء.
وقالت "الشربيني"، إنها تناولت تلك القضية مرتين، خلال حلقات برنامجها، في الفترة الماضية، ولكنها تراجعت عن تعاطفها معها؛ بسبب نشرها مقطع فيديو، تعتذر خلاله لطليقها حسن شاكوش، وأنه شخص محترم، وما حدث بينهما كان مجرد سوء تفاهم؛ بسبب تدخل عدة أطراف بينهما.
وتابعت الإعلامية رضوى الشربيني، أن القضية أخذت مجالا كبيرا من الاهتمام؛ تعاطفًا مع "الست" التى تم تطليقها وطردها خارج منزلها، وكان رجاؤها أن تنتهي علاقتها بمنتهى الشياكة والاحترام، مشيرة إلى أن الجميع كان في حالة تصديق تام أن البنت هي المظلومة؛ لأنها تدافع عن سمعتها وشرفها.
ونوهت بأن ريم طارق، تراجعت عن حديثها، من خلال مقطع الفيديو الأخير الذي نشرته الساعات القليلة الماضية، وقالت فيه إنها تلقت جميع حقوقها ومستحقاتها المادية، واختتمت رضوى: "أنا آسفة يا حسن شاكوش.. أنا رضوى الشربيني بعتذر لك على الهواء".

طليقة حسن شاكوش تتراجع
بثت ريم طارق طليقة حسن شاكوش، مقطع فيديو مباشر عبر حسابها الخاص على تطبيق "إنستجرام"، فجرت من خلاله مفاجأة حول تصالحها معه.
وقالت ريم طارق، طليقة حسن شاكوش، إنها لم تأخذ من طليقها سوى أغراضها ومتعلقاتها في منزله فقط وقامت بتصويرها، مشيرة إلى أنها لم تأخذ حقوقها المادية.
وتراجعت طليقة حسن شاكوش، عن اعتذارها له والتصالح معه، قائلة: «أنا عيلة ورجعت فكلامي.. وأنا قولت عليك راجل محترم عشان اخدت حاجتي اللي عندك بس.. وأنا أسفة مش هتصالح والقضايا شغالة أنا ما اتنازلتش عن حاجة لسه».
وهددت ريم طارق، طليقها حسن شاكوش، بفضح سبب الأزمة بينهما وما رأته في رابع يوم زواج لهما.

طليقة حسن شاكوش والتصالح
من جهة أخرى، نشرت أمس، ريم طارق طليقة حسن شاكوش- مقطع فيديو قصير لها عبر حسابها الخاص بتطبيق إنستجرام، ظهرت فيه تؤكد انتهاء أزمتها مع طليقها وحصولها على حقوقها كاملة.
وقالت طليقة حسن شاكوش، في الفيديو: «مساء الخير.. أنا عاملة الفيديو ده النهارده علشان أقول إن أنا خدت حاجتي كلها.. كل حقوقي الشرعية خدتها من حسن.. وان الحمد لله ان انا طلعت شخص كويس.. وهو كمان شخص كويس وراجل محترم».
وتابعت طليق حسن شاكوش، قائلة: «كل اللي حصل ده كان سوء تفاهم بسبب تدخل اكتر من طرف.. وأي حد سيرته جت في الموضوع سواء من أهلي أو من أهله مامتي أو بابايا أو مامته ربنا يديها الصحة طبعا.. حقكم على راسي.. وكل اللي حصل ده كان سوء تفاهم وكل شيء قسمة ونصيب».
لمشاهدة الفيديو اضغط هنا

حسن شاكوش وطليقته
أعلن مؤدي المهرجانات حسن شاكوش عن انتهاء أزمته مع طليقته ريم طارق من خلال فيديو جديد قام بنشره عبر صفحات التواصل الاجتماعي.
وقال حسن شاكوش فى الفيديو إنه أنهى جميع خلافته مع زوجته السابقة ريم طارق، مضيفا: "خلاص يا جماعة أنا بعلن من خلال الفيديو ده أن مفيش خلافات بيني وبين ريم إطلاقا وأحنا حبايب".
شاهد الفيديو

وأضاف حسن شاكوش: "الحمد الموضوع خلص على خير، لأنه مكنش ينفع مهما حصل إني أقول أى كلمة ضد ريم لأنها كانت فى يوم من الأيام مراتي ومكنش ينفع أجرحها بأى كلمة بس الحمد الله احنا رجعنا حبايب بدون أى مشاكل".

رد ريم طارق على فيديو شاكوش
من جانبها، علقت ريم طارق على فيديو حسن شاكوش عبر صحفتها الشخصية بموقع الصور الشهير "إنستجرام" قائلة: "أنا كمان بتمنالك كل خير يا حسن وأكيد إحنا حبايب وعايزة أقول حاجة للمتابعين للمشكلة بتاعتنا من الأول إن بلاش أي حد يدخل في مشاكلكم الشخصية حتى لو أقرب الناس ليكم".
وتابعت: "لأنهم من كتر حبهم ليكم ممكن المشكله تزيد مش تتحل وده اللي حصل معانا أنا وحسن، يمكن لو كانت المشكلة بيننا بس كانت اتحلت من بدري، وأنا كمان بشكرك يا حسن وانت وعدت و وفيت لله الأمر من قبل ومن بعد".

ريم طارق تعلن انتهاء الخلافات بينها وبين شاكوش
وأعلنت ريم طارق، طليقة مؤدي المهرجانات حسن شاكوش، انتهاء الخلافات التي نشبت بين الطرفين خلال الشهور الماضية.
وقالت ريم طارق، في تصريحات تليفزيونية: "الحمد لله أخدت كل حقوقي الشرعية من حسن، والحمد لله إني طلعت كويسة، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فحقهم على راسي وكل شيء قسمة ونصيب".