إحالة طالب وميكانيكي للجنايات بسبب تهديد فتاة بصور وفيديوهات مخلة

أحال المستشار أحمد مكي محام عام أكتوبر الكلية طالبا وميكانيكي إلى محكمة الجنايات لاتهامهما بتهديد فتاة بنشر صورة مخلة ومقاطع فيديو لها ع.ارية حيث جمعتها علاقة عاطفية بالمتهم الثاني ثم انفصلت عنه بعد تهديدها ثم جمعتها علاقة عاطفية بالمتهم الأول الذى وعدها بإنهاء مشكلتها بحبيبها السابق واستمعت النيابة لأقوال المجني عليها.
نص التحقيقات :
س / ما معلوماتك بشأن الواقعة محل التحقيق ؟
ج/ اللى حصل اني اتعرفت علي م.ع عن طريق صحابي و ارتبطت بيه لمدة سنة في 2020 و احنا كنا مع بعض وانفصلنا عشان هو كان بيطلب مني صور عريانة و انا مش عايزة اعمل الحاجات دي وهددنى انه هيركب صور عريانة على وجهى لو معملتش معاه علاقة في البيت عنده وبعدها اتعرفت على واحد صاحبه وقالى انى لو ارتبطت بيه هيبعد عنى صاحبه وبعد كده طلب مني صور ليا و انا بعت ليه حوالى 5 او 6 صور ليا من غير هدوم و 2 فيديو وكان مفهمني انه هيمسحهم من عنده وقالى انه مسح اللى صاحبه كمان وقالى انه بيدرس في جامعة الازهر و مش هيرضى يعمل كده في بنات الناس ولكن بعد فترة لقيته وصاحبه الاولاني بدأوا يهددونى تانى و يبتزونى ويطلبوا مني فلوس مقابل انه مينشرش الصور بتعتى اروحله البيت عشان اعمل معاهم علاقة الاثنين و انا مقدرتش اعمل كده و روحت وقتها عرفت ابوي و روحنا بلغنا و ده كل اللى حصل
س و ما هي الأفعال التي ارتكبها كل منهما آنذاك ؟
ج هم بعتوا رسايل تهديد وطلبوا منى فلوس أربع آلاف جنيه وعايزنى أروح ليه البيت عشان يعمل معايا علاقة غير مشروعة مقابل عدم نشر صور عارية
جاء بأمر الإحالة أن المتهمين هددا المجني عليها الفتاة والتي لم تبلغ من العمر ثمانية عشر عاماً ميلادياً - عبر تطبيق موقع التواصل الاجتماعي واتساب – بإفشاء أمور مخدشة بالشرف، بأن أرسلا إليها عدة صور ومقاطع مسجلة لها وهي مجردة من ملابسها دون رضاها، مهددين إياها بنشرها وإذاعتها بين أقاربها، وكان ذلك التهديد مصحوبا بطلب لحملها على الخضوع لشهواتهما الج.نسية وإقامة علاقة ج.نسية معها والتحصل منها على مبالغ نقدية نظير عدم نشرهما إياها.