حمودي ب".......".. قصة متهم هدد فتاة بصور مع صديقها بإرسال صورها لوالدها

أحال المحامي العام الأول لنيابة جنوب القاهرة طالب (هاكرز) إلى الجنايات؛ لاتهامه بسرقة صور خاصة لفتاة وحبيبها من على هاتفها، وتهديده لها بنشر الصور وإرسالها لوالدها مقابل الحصول على أموال.
وننشر في السطور التالية نص التحقيقات..
س/ ما تفصيلات بلاغك؟
ج/ اللي حصل إن كان فيه علاقة بيني أنا وواحد صاحبي اسمه أحمد، وأحمد تليفونه اتسرق، وبعدها لقيت أكونت (حساب) على انستجرام بيكلمني وطلب مني أعمل اللي هو عايزه يا أما هينشر صور بتاعتي ويبعتها لأهلي، وساعتها أنا تجاهلت الرسايل دي، وفوجئت بعدها أن الشخص ده بعتلي صور بتاعتي أنا وصاحبي فعلاً، وطلب مني أحول ليه فلوس حوالي 5 آلاف جنيه يا إما هينشر الصور بتاعتي أنا وأحمد ويبعتها لأهلي.
هددنى بصور حمودي .. فتاة ترفض ابتزاز هاكرز وتعاقبه
س/ وما طبيعة علاقتك بالمشكو في حقه ؟
ج/ أنا معرفش مين ده، بس لما عملت محضر في مباحث الانترنت، بعدها قالولي أنهم وصلوا لصاحب الحساب اللي بيتبعتلي منه الرسايل.
س / وما هو الحساب الذي استخدمه سالف الذكر للتواصل معك تحديداً؟
ج/ هو كان بيبعتلي من أكثر من أكونت على انستجرام وبيقفلهم بس في واحد منهم
لسه
س/ وما هو الحساب الخاص بك على ذلك الموقع تحديداً ؟
ج/ أنا الأكونت بتاعي اسمه (habibamohaameddd)
س/ وما هو مضمون الرسائل التي أرسلها لك المتهم تحديداً؟
ج/ هو بعتلي رسايل بصوري أنا وأحمد، وطلب مني أديله فلوس عشان ميبعتش الصور دي
وميحطهاش على مواقع التواصل الاجتماعي
س/ وما طبيعة تلك الصور تحديدا ؟
ج / صور شخصية ليا أنا وأحمد صاحبي واحنا كنا بنحضن بعض أو بنبوس بعض
الجدير بالذكر أنه جاء بأمر الإحالة أن المتهم هدد المجني عليها بإفشاء أمور مخدشة بالشرف، وهي صورها والمقاطع المرئية الخاصة بها، والتي تحصل عليها عن طريق اختراق هاتفها المحمول وتهديده لها، مصحوباً بطلب إمداده بمبالغ نقدية وتعدى على حرمة الحياة الخاصة للمجني عليها بأن نقل بجهاز من الأجهزة الصور والمقاطع المرئية الخاصة بها وبصديقها حمودي بمكان خاص بغير رضائها، وتعدى على حرمة الحياة الخاصة للمجني عليها بأن استعمل الصور والمقاطع المرئية الخاصة بها بغير رضائها.