قلب ابنها حجر..الحاجة هانم باكية: ضربني هو ومراته بالشبشب وطردوني من البيت|تفاصيل

روت الحاجة هانم، خلال لقائها مع الإعلامية نهال طايل ببرنامج «تفاصيل»، المذاع على قناة «صدى البلد2»، تقديم الإعلامية «نهال طايل"، عن مأساتها، وأكدت أن ابنها وزوجته قاموا بضربها وطردوها من بيتها.
وإليكم أبرز التفاصيل.
ضربوني على دماغي
أكدت الحاجة هانم ،والتي طردها ابنها وزوجته في الشارع طمعا في الميراث، أنه "في يوم روحت البيت لقيت فيه سلك في باب البيت، وابني ضربني هو ومراته وحماه وحماته وكانوا بيخنقوني وغيروا كالون باب البيت".
وقالت أن "زوجة ابني ضربتني بالشبشب وانا مريضة بالضغط والسكر وابلغ من العمر 76 عاما".

وتأثرت بالبكاء قائلة "انا قاعدة في الشارع رغم انى بانية بيت 5 ادوار، وأجرت شقة مفيشهاش كراسي ولا سراير، ونايمة على بطانية".

ابنى ومراته ضربوني بالشبشب وأنا مريضة
بكت الحاجة هانم الأم التي طردها ابنها وزوجته طمعا في الميراث، قائلة: «أنا قاعدة في الشارع رغم ان عندي بيت 5 أدوار، واستأجرت شقة مافيهاش كراسي ولا سراير، ونايمة على البطانية فقط».
وقالت إن ابني وزوجته ضربوني بالشبشب وأنا مريضة بالضغط والسكر وأبلغ من العمر 76 عاما».

شلل وجلطة قبل ما يموت
وأشارت إلى أن "ابني راح لصاحبة البيت قال اقفلي عليها وارميها في الشارع وأنا جوزي ميت من 2014، وحتى ولادي مكانوش بيسالوا على ابوهم قبل ما يموت رغم انه كان عنده شلل وجلطة قبل ما يموت".

3 سنين محدش سأل عليا من ولادي
أكدت "أنه على مدار3 سنين محدش سأل عليا من ولادي، وقبل ما برقد بتشاهد على نفسي".
وقالت أن ابني لما عرف ان النائب العام هيسلمنى الشقة خرب في الشقة ورمالي فيها زبالة، وشال الشبابيك وأبواب الشقة والأطقم الصحية".

وتابعت "أنا عمري ما تخيلت ان ولادي يعملوا فيا كدة وسرقوا حاجتى وشتموا خالهم".

شلل وجلطة قبل ما يموت
وأشارت إلى أنه "انا بيصعب عليا نفسي وبقول لربنا "يا رب انا ماشي بما يرضي الله وطول عمرى عايشه شقيانة، 60 سنة شفت فيهم المر مع ولادي".

قال لأخوه اقتل امك
أكدت، أنه كتبت لابني البيت بيع وشراء بعد وفاتي، وبعد ما طردوني من البيت، طلع لي 3 مرات تمكين وكان ابني بيخلي الحكومة تمشي ويطردني بعد كدة".
وقالت أن "ابنى اده لاخوه 7 آلاف جنيه قاله اقتل أمك وزوجة ابني بتدي لابني السكينة بتقوله اقتل امك وجايبين شوال بلاستيك".

وتابعت أنه بعد طردي قعدت 3 ايام في الشارع وصعبت على واحدة وادتني اوضة لمدة شهرين وولادي جابوني ضرب وشتيمة واهانة وصوروني وهما بيضربوني".

ابني عمره ما داني جنيه
وأشارت إلى أن ابني عمره ما داني جنيه ولا سأل عني.