صفاء جلال: جوزي منعني من تقديم دور الراقصة.. وربنا يكتب لي الحجاب|فيديو

حلّت الفنانة صفاء جلال، ضيفة على الإعلامية ياسمين عز ببرنامج "كلام الناس" والمذاع عبر قناة "إم بي سي مصر".
رد ناري من صفاء جلال عن مهاجمتها بعد ارتداء ابنتها الحجاب.. فيديو
علشان ميزعلش.. صفاء جلال: زوجي وافق على عملي بالتمثيل بشرط عدم الرقص
وقالت الفنانة صفاء جلال إن زوجها اشترط عليها عدم تجسيد دور الراقصة مرة أخرى بعد تجسيدها في مسلسل "امرأة من زمن الحب".
وأضافت: "بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".
اتعذبوا من شكلي | صفاء جلال تكشف عن عملية جراحية صعبة
قالت الفنانة صفاء جلال: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".
وأضافت: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلا نزلتهم ودلوقت بكمل دايت وبروح الجيم".
وأشارت: "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قد ما بقدر اوصل لشكل لطيف والناس تتقبله".
سؤال عادل إمام ل صفاء جلال ومكان المناسبة
تحدثت الفنانة صفاء جلال، عن عملها مع الزعيم عادل إمام، قائلة: "اشتغلت مع الزعيم عادل إمام في مسلسل صاحب السعادة، وكان جسمي رفيع".

وأضافت: "غبت شويه وبعدين جيت أعمل ضيفة شرف معاه في مسلسل عوالم خفية، وكان جسمي مليان، قال لي تخنتي ليه يا صفاء قلت له الاكتئاب، فقال لي أوعي تزعلي ولا تكتئبي افرحي دائما واضحكي على طول وحبي الدنيا ولا تنظري للجانب السلبي في الحياة، وخليكي مبسوطة عمرك ما هتكبري".
صفاء جلال تكشف عن عمرها الحقيقي على الهواء

كشفت الفنانة صفاء جلال، عن عمرها الحقيقي على الهواء، قائلة: "أنا داخلة على ال49 سنة حاليا"، لافتة: "أنا عشت كل مرحلة عمرية بحلوها مرها".
وأضافت: "مش بتكسف أني أقول عندي كام سنة، والناس بقيت ذكية أوي يعني مش هطلع أقولهم انا عندي 35 سنة وعمر ما السن شكل ليا مشكلة".
قررت أتجوز راجل شرقي.. صفاء جلال: 90% من زميلاتي مطلقات
قالت الفنانة صفاء جلال،: "90% من زميلاتي مطلقات، بس أنا قررت أتجوز راجل شرقي، أسمع كلامه، وأمشي على مزاجه".
وأضافت: "الجواز عامة تفاهم واحترام وحاجات كتير، لازم نبقى احنا الاتنين بنشوف إيه اللي يزعل التاني، ومانعملوش، ودايما أول لما بيجيلي دور في عمل فني، لو لقيت فيه أي محاذير أخلاقية؛ مش بعمله، حتى لو بيعملي إيه، هو الحمد لله إحنا بقالنا دلوقتي 24 سنة مع بعض".
مندمتش على حاجة
وواصلت حديثها: "الحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك".