معلم لغة عربية يحذر متابعيه عبر فيسبوك: ما تشتغلش مدرس.. اعرف السبب

نشر محمد العبد مدرس لغة عربية منشورا على صفحته على موقع التواصل الاجتماعي فيسبوك ، رسالة نصح فيها متابعيه من الطلاب والمعلمين وأولياء الامور قائلا "ماتشتغلش مدرس"
وجاء نص هذه الرسالة التي لفتت انتباه المتابعين على موقع التواصل الاجتماعي فيس بوك كالتالي :
رسالة معلم لمتابعيه : ماتشتغلش مدرس
* ماتشتغلش مدرس لو مبتعرفش تحب الولاد برخامتهم وغباءهم وشقاوتهم.
* ماتشتغلش مدرس لو مابتعرفش تحايل وتطبطب وتدلع وتشجع وتكافئ.
* ماتشتغلش مدرس لو خلقك ضيق.
* ماتشتغلش مدرس لو مابتحبش اللي بتشرحه.
* ماتشتغلش مدرس لو إيدك طويلة ولسانك أطول.
* ماتشتغلش مدرس لو كلامك محبط بيقطّم الولاد.
* ماتشتغلش مدرس لو مش خايف على كل طالب بعينه. (مهم جدا)
* ماتشتغلش مدرس لو مش حابب مهنة التدريس (مهم).
* ماتشتغلش مدرس لو مابتعرفش تقول كلام حلو يدفع للأمام.
* ماتشتغلش مدرس لو مابتعرفش تهزر وتنزل لمستوى الطالب.
واختتم المعلم رسالته قائلا : جربوا تحبوهم وشوفوا الفرق.
بالأرقام.. ننشر قيمة أقساط مصروفات المدارس 2023 ومواعيد سدادها
غرامة غياب الطلاب عن المدارس 2023| 10 جنيهات للتعليم الاساسي و25 للثانوي
عقاب الطلاب على فيديوهات التيك توك
ولم تكن هذه هي الرسالة الأولى اللافتة للانتباه للمعلم المذكور ، حيث كتب المعلم المذكور على صفحته على فيس بوك خلال الساعات الماضية رسالة لافتة للانتباه لطلابه الذين لهم فيديوهات غير لائقة على تيك توك.
وقال المعلم في رسالته: أي طلاب عندي هلاقيهم منزلين فيديوهات تيك توك وعمالين يتنططوا ويرقصوا (بشكل غير لائق) هيبقى ليهم امتحان مخصص كل حصة، واللي هيقل في الامتحان عن 90% مش هيكمل معايا.
رسالة المعلم المصري
وأضاف المعلم في رسالته : "انت حُر في حياتك، وأنا برضه حُر في اختيار نوعية الطلبة اللي أشتغل معاها، وياريت تستغلوا وقتكم في حاجة تفيدكم".
وعن سبب كتابته هذه الرسالة قال المعلم: "الفكرة إني لقيت يوتيوبر عامل ريفيو ع فيديوهات طالبة عندي وكانت الفيديوهات مش لطيفة، والبنت أساسا المفروض محجبة بس في الفيديوهات من غير حجاب ومنظر مش لطيف.
رسالة المعلم المصري
وأضاف المعلم أثناء سرده للقصة الكاملة لرسالته للطلاب: الحمدلله تواصلت مع اليوتيوبر ومسح الفيديو من عنده، بس أنا مش هقعد بقا كل واحدة ولا واحد يتعمل عليه ريفيو ويتشهر بيه أكلم صاحب الفيديو عشان سمعة البنت أو الولد؟ ، فالحل اللي قولته هيريحني لأني بخاف عليهم وعلى شكلهم جدا، واللي مش عاجبه يمشي والأرزاق بتاعة ربنا.
واستكمل المعلم تصريحاته قائلا: مش برخم على طلاب ، بس أنا مش بحب أشوفهم كدا، ومش هينفع أشوف غلط عندهم وأسكت.. ولعل وعسى نغير تفكيرهم للطريق الصحيح، غني وارقص واعمل كل اللي يخليك مبسوط، بس مش بالطريقة الوحشة اللي بنشوفها دي، وكلامي موجه للبنات قبل الولاد.
رسالة المعلم المصري
وواجه المعلم بعد هذه الرسالة بعض ردود الأفعال التي اتهمته بالتدخل في حياة الطلاب، وهنا رد محمد العبد قائلا: "بتوع التيك توك اللي محتواهم زفت، والفيمنست وأتباعهم عاملين هجوم تاريخي على البوست.
وتساءل: هو أنا عشان خايف عليهم وعلى مصلحتهم بقيت شرير وبتدخل في حياتهم الشخصية؟، وبعدين أنا وجهت كلامي للي بيعمل التيك توك دا بشكل غير لائق يعني أخلاقيا غير مناسب، وقلت : كل واحد حر في حياته ومافرضتش رأيي على حد ، لكن أنا كمان حر في اللي أخليه يقعد قدامي ويستفيد، والأرزاق بتاعة ربنا وحده، ولا هو لازم نجمل الباطل ونلاقيله مبررات عشان يتقال علينا متفتحين! "مَا لَكُمْ كَيْفَ تَحْكُمُونَ".
وعلى جانب آخر توالت التعليقات المؤيدة لرسالة المعلم ، حيث قالت ندا محمد: برافو عليك بجد جيل صعب إلا من رحم ربي ربنا يوفقك ويوسع رزقك استمر.
وقالت ليلى مصطفى : فكرة كويسة جدا ولو كل المدرسين طبقوها الشباب هتتغير أخلاقيا قبل دراسيا
طريقه كؤيسه جدا وأنا هتطبقها.
وقالت هبة كمال: بجد قليلين اللي بيخافو ع البنات ومستقبلهم ربنا يجازيك كل خير.