بسبب فيديوهاتهم على تيك توك.. معلم لغة عربية يؤدب طلابه بطريقة جديدة

كتب معلم مصري متخصص في اللغة العربية يدعى محمد العبد ، على صفحته على فيس بوك رسالة لافتة للانتباه لطلابه الذين لهم فيديوهات غير لائقة على تيك توك.
وقال المعلم في رسالته: أي طلاب عندي هلاقيهم منزلين فيديوهات تيك توك وعمالين يتنططوا ويرقصوا (بشكل غير لائق) هيبقى ليهم امتحان مخصص كل حصة، واللي هيقل في الامتحان عن 90% مش هيكمل معايا.
رسالة المعلم المصري
وأضاف المعلم في رسالته : "انت حُر في حياتك، وأنا برضه حُر في اختيار نوعية الطلبة اللي أشتغل معاها، وياريت تستغلوا وقتكم في حاجة تفيدكم".
وعن سبب كتابته هذه الرسالة قال المعلم : "الفكرة إني لقيت يوتيوبر عامل ريفيو ع فيديوهات طالبة عندي وكانت الفيديوهات مش لطيفة، والبنت أساسا المفروض محجبة بس في الفيديوهات من غير حجاب ومنظر مش لطيف.
رسالة المعلم المصري
وأضاف المعلم أثناء سرده للقصة الكاملة لرسالته للطلاب : الحمدلله تواصلت مع اليوتيوبر ومسح الفيديو من عنده، بس أنا مش هقعد بقا كل واحدة ولا واحد يتعمل عليه ريفيو ويتشهر بيه أكلم صاحب الفيديو عشان سمعة البنت أو الولد؟ ، فالحل اللي قولته هيريحني لأني بخاف عليهم وعلى شكلهم جدا، واللي مش عاجبه يمشي والأرزاق بتاعة ربنا.
واستكمل المعلم تصريحاته قائلا: مش برخم على طلاب ، بس أنا مش بحب أشوفهم كدا، ومش هينفع أشوف غلط عندهم وأسكت.. ولعل وعسى نغير تفكيرهم للطريق الصحيح، غني وارقص واعمل كل اللي يخليك مبسوط، بس مش بالطريقة الوحشة اللي بنشوفها دي، وكلامي موجه للبنات قبل الولاد.
رسالة المعلم المصري
وقد واجه المعلم بعد هذه الرسالة بعض ردود الأفعال التي اتهمته بالتدخل في حياة الطلاب ، وهنا رد محمد العبد قائلا: "بتوع التيك توك اللي محتواهم زفت، والفيمنست وأتباعهم عاملين هجوم تاريخي على البوست.
وتساءل قائلا : هو أنا عشان خايف عليهم وعلى مصلحتهم بقيت شرير وبتدخل في حياتهم الشخصية؟، وبعدين أنا وجهت كلامي للي بيعمل التيك توك دا بشكل غير لائق يعني أخلاقيا غير مناسب، وقلت : كل واحد حر في حياته ومافرضتش رأيي على حد ، لكن أنا كمان حر في اللي أخليه يقعد قدامي ويستفيد، والأرزاق بتاعة ربنا وحده، ولا هو لازم نجمل الباطل ونلاقيله مبررات عشان يتقال علينا متفتحين! "مَا لَكُمْ كَيْفَ تَحْكُمُونَ".
وعلى جانب اخر توالت التعليقات المؤيدة لرسالة المعلم ، حيث قالت ندا محمد : برافو عليك بجد جيل صعب الا من رحم ربي ربنا يوفقك ويوسع رزقك استمر
وقالت ليلى مصطفى : فكره كويسة جدا ولو كل المدرسين طبقوها الشباب هتتغير أخلاقيا قبل دراسيا
طريقه كؤيسه جدا وانا هتطبقها.
وقالت هبة كمال : بجد قليلين اللي بيخافو ع البنات ومستقبلهم ربنا يجازيك كل خير.