انفراد.. القائم بالأعمال يفضح رئيس جامعة دمنهور في قضية الرشوة|نص التحقيقات

يواصل موقع صدى البلد نشر تحقيقات نيابة أمن الدولة العليا في قضية رشوة جامعة دمنهور، والتي حصل على نصها، بعد إحالة القائم بأعمال عميد معهد الدراسات العليا والبحوث البيئية بجامعة دمنهور و12 آخرين إلى محكمة الجنايات.
وكشفت تحقيقات نيابة أمن الدولة العليا في قضية رشوة جامعة دمنهور التي ينفرد موقع "صدى البلد" بنشر نصها، أقوال عضو الرقابة الإدارية الذي فجّر مفاجأة عن فساد قضية جامعة دمنهور.
اقرأ أيضا: صرخة أم في الزاوية الحمراء: زوجي عاشر بنتي القاصر لمدة 60 شهرا
اقرأ أيضا: جلسة طرقعة للعظام.. سيدة تتهم طبيبا شهيرا بالتحرش بها أمام ابنها
نص اعترافات القائم بأعمال عميد معهد الدراسات العليا بدمنهور
س/ متى التقيت المدعو عبيد عبد العاطي لعرض مذكرة حصر الاحتياجات عليه؟
ج/ الكلام ده كان في أواخر سنة 2020.
س/ أين؟
ج/ في مكتبه في جامعة دمنهور.
رشوة
س/ من حضروا ذلك اللقاء؟
ج/ أنا وهو لوحدنا ومكنش فيه حد معانا.
س/ ما الذي دار خلاله؟
ج/ هو في اللقاء أنا عرضت عليه المشروع بتاع الأجهزة اللي أنا قولت عليها وقولتله إن المشروع ده ينهض بالجامعة وهخليها تتعامل مع الجهات الخارجية زي ما ذكرت قبل كده، وبعد ما قرأ المذكرة بتاعتي قالي إن ميزانية الجامعة مش هتتحمل إننا نجيب الأجهزة كلها مرة واحدة وقال إننا هنفذ توريد الأجهزة دي على أكثر من مرحلة، وزي ما ذكرت قبل كده أن اتفقت معاه إن المرحلة الأولي هيبقى فيها 15 جهاز أنا قمت باختيارها وعرفته في اللقاء ده إنه فيه 14 جهاز يخصوني واللي عايز أوردهم من باطن الشركة الموردة وهو ساعتها لما سألني على ثمن الأجهزة بتاعتى قولتله مليون جنيه، فقالي خلاص لما تقعد مع ممثل الشركة اللي هتورد اللي هو والأستاذة أمل هيجيبوا أطلب منه مليون وستمائة ألف جنيه، مليون جنيه ليا قيمة الأجهزة اللي أنا جبتها وستمائة ألف جنيه رشوة للدكتور عبيد مقابل إنه يوافق على توريد الأجهزة وتعاقد مع الشركة.
س/ ما قولك فيما قررته سلفاً بالتحقيقات من عدم إعلامك إياه بوجود أجهزة تخصك في عملية التوريد تلك؟
ج/ لأ .. هو أنا زي ما ذكرت في تحقيق النهاردة إن أنا قولت له وعرفته إنه فيه أجهزة تبعى عايز أوردها من ضمن الأجهزة الأخرى اللى هتوردها الشركة الموردة وهو بناء على الكلام ده قالي اطلب الفلوس اللي أنا قولت عليها وزي ما أنا ذكرت اللى مكنتش عايز أذكر الكلام ده علشان متسببش للدكتور عبيد في ضرر أكثر من اللي هو فيه.
س/ على أي أساس جرى تقدير قيمة تلك الأجهزة رغم ما قررته سلفاً من عدم وجود فواتير شراء؟
ج/ هو فعلاً مفيش فواتير زي ما قولت قبل كده بس أنا عارف كويس أنا دافع كام في الأجهزة دي والإفراج الجمركي وكله كلفوني مليون جنيه.
قرابين علاقة غير شرعية.. حبيبته حملت منه فألقاها وصديقتها في نهر النيل
جلسة طرقعة للعظام.. سيدة تتهم طبيبا شهيرا بالتحرش بها أمام ابنها
س/ هل ثمة مستند دال على تلك القيمة؟
ج/ لأ .. أنا مش معايا أي مستندات بالكلام ده.
س/ ما مضمون ما طلبه المدعو/ عبيد عبد العاطي تحديداً؟
ج/ هو قالي اقعد مع ممثل الشركة اللي هو والأستاذة أمل هيجيبوها وأطلب منه مليون وستمائة ألف جنيه.
س/ ما طبيعة ذلك المبلغ؟
ج/ هو المبلغ ده فيه شقين المليون جنيه دي قيمة الأجهزة اللي أنا اشتريتها ليا مقابل توريدها للجامعة، أما الستمائة ألف جنيه فدي رشوة للدكتور عبيد.
س/ على أي أساس جرى اختياره للشركة الموردة؟
ج/ أنا معرفش وزي ما قولت قبل كده انه فيه اتفاق خفى بينه وبين الأستاذة أمل في موضوع الشركات اللي هتورد وهو طلب مني بس إن أبقى وسيطه في نقل طلب الرشوة.
رشوة
س/ ما موقفك من ذلك الطلب ؟
ج/ أنا وافقت.
س/ وما النفع العائد عليك من تلك الموافقة؟
ج/ هو أنا كنت فاكر ساعتها إن هو ممكن يديني من الستمائة ألف جنيه ربح على قيمة الأجهزة ومائة ألف جنيه ولا حاجة، وكان عندي أمل في كده، وفي الآخر أنا ماخدتش غير المليون جنيه بتوعى وهو أخذ الباقي.
س/ ما الذي دعاك للموافقة إذاً؟
ج/ أنا زي ما قولت قبل كده إن كان عندي أمل إنه يديني أي ربح من المبلغ اللي هو بالإضافة إلى إنه يجددلي منصبى كعميد للمعهد العالي للدراسات والبحوث البيئية لأنه يتجدد كل شهرين عشان كده كنت مجبر أوافق على اللي يقولي عليه عشان مخسرش منصبي.
حفلة جنسية على فتاة المساج.. هربت عاريه للشارع|التفاصيل الكاملة
ملفوفين في ملايات.. ربة منزل خفضت تسعيرة الدعارة 500 جنيه لمنافسة بواب الغردقة
س/ على أي أساس جرى تقديرك لذلك الربح؟
ج/ هو الربح الطبيعي بيكون في حدود 25% أو 30% فأنا كمان كان في دماغي إنه يكون أقل من كده وقولت لو إدالي 100 ألف جنيه من الفلوس اللي هياخدها ده بالنسبالي هيكون كويس جداً، والنسبة اللى أنا قولتها دي نسبة متعارف عليها في التجارة في الأجهزة دي النسبة اللى الشركات الموردة تقريباً بتكسبها لما بتيجي تورد أى جهاز لأى جهة.
س/ ما قولك فيما قررته سلفاً بالتحقيقات بطلبك مبلغ 600 ألف جنيه كربح لك من توريد الجهاز المسمى NMR رغم ما قررته اليوم بالجلسات السابقة بأن قيمته 600 ألف جنيه أي أن الربح العائد عليك من توريده بلغ ضعف قيمته؟
ج/ أنا كنت متلخبط قبل كده .. وزي ما قولت إنى كنت بحاول إنى أستر على الدكتور عبيد ومسببلهوش ضرر أكثر من اللي هو فيه ولكن حقيقة الأمر إن أنا ماخدتش غير قيمة الأجهزة اللي أنا اشتريتها اللي هي المليون جنيه تقريباً وفيه 600 ألف جنيه راحوا للدكتور عبيد أنا مأخدتش منهم حاجة.
انفراد.. كيف أسقطت الرقابة الإدارية أكبر قضية رشوة بجامعة دمنهور؟ نص التحقيقات
انفراد.. اعترافات المرأة الحديدية في قضية رشوة جامعة دمنهور| نص التحقيقات
س/ علام انتهى ذلك اللقاء؟
ج/ هو أنا في آخر اللقاء ده بعد ما اتفقنا ، هو قالي إن الاستاذة أمل هي اللي هتجيب الشركة وأنها هتخليني أقعد مع صاحب الشركة أو الشخص اللي بيمثلها علشان أتفق معاه على كل حاجة.
س/ لم استعان المدعو/ عبيد عبدالعاطي بالمتهمة/ أمل محمد محمود إبراهيم لاختيار تلك الشركة رغم انقطاع صلة الإدارة رئاستها بعملية التوريد وإتمامها من خلال إدارة المشتريات بالمعهد عمادتك؟
ج/ هو الموضوع ده يعتبر تمثيلية.. وفعلاً المعهد عندي هو اللي أبرم وخلص أوراق التوريد ولكن على أرض الواقع أمل هي المتحكمة في موضوع اختيار الشركات وبتظبط معاهم وده طبعاً بالاتفاق مع الدكتور عبيد زي ما ذكرت قبل كده.
س/ ما الذي حال دون إبرام الإدارة رئاستها لذلك التعاقد رغم تحكمها في اختيار الشركات الموردة لتلك الأجهزة حسبما قررت؟
ج/ علشان لو حصل حاجة يتم إبعاد المسئولية عن الإدارة بتاعة أمل وعن الدكتور عبيد، وأنا اللي أشيل المسئولية.