سمية الخشاب صديقة طلبة الثانوية العامة: إنتوا أغلى جيل على قلبي

تحرص الفنانة سمية الخشاب على دعم طلبة الثانوية العامة فى امتحاناتهم، حتى أطلق عليها "سمية الخشاب صديقة الطلبة"، ونرصد فى التقرير التالى الدعم الذى تقدمه لطلبة الثانوية العامة.
كتبت الفنانة سمية الخشاب عبر حسابها على موقع "تويتر"، قائلةً: "مبسوطة أوي إنكم حليتوا، المادة اللي جايه عندكوا إيه وإمتى؟ عشان لو في حاجة تبعتولي قبل الامتحان زي العربي كده وأنا معاكو لحد ما تخلصوا، بحبكو، وفخورة بيكو".
وتابعت: "إنتوا أغلى جيل على قلبي وواثقة فيكو جدًا، عشان بعيد عن التعليم، انتوا جيل واعي وانتوا المستقبل، ربنا يوفقكم في اللي جاي وانا هتطمن عليكوا بنفسي على طول".
وكتبت سمية الخشاب أيضا: "التعليم موهبة مش مهارة، عشان كده دايما بقولكم ارضوا بأي نتيجة عشان أكيد جواكوا موهبة هتطلعوها فأيا كان الcareer إيه".
كانت الفنانة سمية الخشاب نشرت عبر موقع التواصل الاجتماعي "تويتر" عددا من التغريدات تشرح خلالها بعض المواد العلمية لطلاب المدارس والجامعة قبل امتحانات الثانوية العامة وامتحانات التيرم الثاني للكليات، فأطلق عليها الطلاب لقب "أستاذة".
وتداول عدد من مستخدمي مواقع التواصل الاجتماعي، شرح الفنانة سمية الخشاب بعض الدروس لطلاب الثانوية العامة، ساخرين من الأمر، إلى أن تحول الأمر بعد ذلك لتركيز الطلاب بالفعل في ما تقوله وطريقتها البسيطة في شرح بعض الأجزاء من المناهج المقررة عليهم.
منح الطلاب لقب "الأستاذة" للفنانة سمية الخشاب، مؤكدين في عشرات من التغريدات أنها تفوقت على المدرسين المتخصصين في اللغة العربية، بعد أن شرحت لهم الدروس الصعبة بطريقة بسيطة ومرحة ساعدتهم على فهم الموضوعات المختلفة بسلاسة.
بشخصية المعلمة.. سمية الخشاب تساند طلاب الثانوية العامة
سمية الخشاب صديقة الطلبة.. حكاية دروس خصوصية من الفنانة لطلاب الثانوية
وكتبت الخشاب أيضا معلقة على صورتها: "الله يوفقكم يا حبايبي وتنجحوا كلكم وتفرحوا أهاليكم يارب ودائما أكون فخورة بيكم".
كما وجهت الفنانة سمية الخشاب رسالة لطلاب الثانوية العامة، وذلك خلال حسابها الشخصي على موقع التدوينات القصيرة «تويتر».
وكتبت سمية: "قلبي مع حبايبي اللي في ثانوية عامة، بكره أو الأيام الجاية زيها زي أي أيام في حياتنا، عملنا اللي علينا وذاكرنا ودي مجرد مرحلة بس، هنحل على قد ما نقدر وهنرضى بأي نتيجة وهنثبت نفسنا في أي كان المجال اللي هتحدده المرحلة دي، فخورة بيكم في كل الأحوال".