حل الفنان كريم فهمي، ضيفا ببرنامج "حبر سري"، مع الاعلامية اسما ابراهيم، على قناة القاهرة والناس، وأطلق عدة من التصريحات التي سيطرت على مواقع التواصل الاجتماعي السوشيال ميديا.
كريم فهمي: السبكي وقف بجانب السينما في وقت صعب واتهامه بإفساد الذوق العام ظلم أكد الفنان كريم فهمي، أن عائلة السبكي وقفت بجانب السينما المصري فى وقت صعب للغاية، قائلا: "بحب السبكي وأنا اشتغلت مع أحمد السبكي وأفلامي الاخيرة كانت معاه وهو من اكثر الناس اللي وقفوا جنب السينما في وقت كان صعب". وأضاف الفنان كريم فهمي، أن احمد السبكي أنتج الكثير من الأفلام وعمل مع كبار النجوم الفن أمثال احمد زكي ونادية الجنيد، وعمل أفلام محترمة في السوق المصري. وتابع: "أحمد السبكي له أفلام كتير حلوة ومن الظلم نقول السبكي يفسد الذوق العام، وهو بيعمل أفلام وعارف ساعات أنها مش هتجيب فلوس ولكنها أفلام للمهرجانات".
كريم فهمي: رمضان صبحي كان يُجهز عشان يبقى أسطورة للأهلي.. وهذا موقفي منه أكد الفنان كريم فهمي، أن رمضان صبحي كان بالنسبة للنادي الأهلي مستقبل ومشروع، قائلا: "رمضان كان يُجهز عشان يبقى رمز وأسطورة للأهلي، وجماهير الأهلي على قد حبها لرمضان صبحي على قد زعلها منه وكنت أتمنى له يفضل في الاهلى". ورد الفنان كريم فهمي، على موقفه حال وضعه مكان رمضان صبحي وتلقيه عرض بيراميدز قائلا: "أنا بحب رمضان صبحي شخصيا جدا وهو لاعب كرة قوي جدا ولكن أنا موفقش أسيب الاهلي وده نادي كيان كبير اسمه الاهلي، وأنا لو بلعب كرة وجالي عرض من بيراميدز مستحيل اقبل". وتابع: "أنا في أحسن نادي فى افريقيا ازاي اعمل كده، وانا تفكيري غير تفكير اي حد والفلوس هتيجي قدام، وأنا ممكن اعتذر عن افلام أو مسلسلات فيها أرقام كويسة عشان احافظ على صورتي، والاهلي نادي القرن وازاي ابقى فى الاهلي واروح نادي اصغر".
كريم فهمي يكشف حقيقة خلافه مع محمد هنيدي بسبب "عقلة الأصبع" رد الفنان كريم فهمي، على حقيقة خلافه مع النجم محمد هنيدي بسبب اقتباس فيلم "عقلة الاصبع" بعد انتهاءه من فيلم "ديدو"، قائلا: "أنا واحد من جمهور محمد هنيدي واحنا بنتفرج عليه من زمان من أول فيلم صعيدي في الجامعة الأمريكية، والموضوع عمره ما تطرق بينا إلى خلاف أبدا". وأضاف الفنان كريم فهمي، أنه يحب الفنان محمد هنيدي للغاية، متابعا: "أنا بحبه جدا وبعد فيلم ديدو ما نزل محمد هنيدي كان باعت لى رسالة على فيلم "على بابا" وكان مبسوط". واستكمل: "اسم عقلة الأصبع مش حكر عليا وهي رواية متروكة لأي حد أنه يستخدم اسمها، وعيب يبقى بيني وبين محمد هنيدي خلاف ودي اشاعة ومش حقيقة طبعا".
كريم فهمي: "مافيش راجل عينه مش زايغة.. ولولا مراتي كنت خربت الدنيا" أكد الفنان كريم فهمي، أن الرجل بطبعه يتلفت إلى النساء، قائلا: "مفيش راجل مش عينه مش زايغه حتى لو بيحب مراته، ولكن ده مش معناه أن الواحد يعمل حاجة غلط، والفكرة ازاي تقدر تحترم اللي بتحبها وعلى قد حبك فيها مش هتعمل حاجة غلط". وأوضح كريم فهمي، أن الموضع يكمن في احترام الرجل للسيدة التي توجد معه، مضيفا: "في ناس بيبقوا متجوزين ملكات جمال وبيبصوا على حاجات أقل، واحنا تكوينا السيكولوجي غريب". واستكمل: "الفكرة كلها في التربية واحترام الشخص لمراته، ومراتي مسيطرة بذكاء ومش لازم نمثل على بعض في الكلام، ولولا وجودها في حياتي كان زماني خارب الدنيا"، مؤكدا أنه متصالح مع نفسه وراضي بما حققه في حياته. كريم فهمي: فيلم "أصحاب ولا أعز" عجبني ومنى زكي أدت دورها كويس أكد الفنان كريم فهمي، أن النجمة منى زكى أدت دورها بشكل جيد في فيلم "أصحاب ولا أعز"، قائلا: "في أفلام أكثر جرأة من أفلام منى زكى بكثير واجرأ بكثير، ومش عارف ليه السبب في الهجوم مع الفيلم ده والفيلم عجبني وبموت في منى زكى". وأشار الفنان كريم فهمي، إلى أنه لا تربطه علاقة صداقة بالنجمة منى زكي ولكنه يتمنى العمل معها، مضيفا: "احنا مش اصدقاء واتمنى اشتغل معاها ودافعت عنها عشان الفيلم كويس وعملت دورها كويس". ورد الفنان كريم فهمي، على موقفه حال طلب بناته التمثيل ودخول الوسط الفني، قائلا: "لو واحدة من بناتي عايزه تمثل هشرح لها صعوبة الشغلة ورأي وفق خبرتي، ولكن هيبقى لها كامل الحرية حينما تكون كبيرة وناضجة، لأنها بني آدم مستقل وهو موضوع صعب واكيد هساعدها".
