لماذا تتمنى سمية الخشاب الزواج من نجار؟.. وماذا قالت لكهربا وحمو بيكا؟

عفوية رغم جرأتها الواضحة، وهو ما يضعها في أزمات ومواقف لا تحسد عليها، هي بنت الإسكندرية الجدعة سمية الخشاب، التي حلت ضيفة على الإعلامية ياسمين عز في برنامج «كلام الناس»، عبر فضائية MBC مصر، لتطلع سمية عدد من التصريحات النارية والكواليس المختلفة.
أنا عايزة أتجوز نجار.. أبرز تصريحات سمية الخشاب لبرنامج «آخر كلام» فيديو
أبدأ يومي بالرقص وعايزة اتجوز نجار.. أبرز تصريحات سمية الخشاب ببرنامج «آخر كلام»

سمية: عايزة اتجوز نجار
كشفت الفنانة سمية الخشاب عن رغبتها في الزواج من نجار، وقالت: «لما بيسألوني عايزة تتجوزي إيه أقولهم نجار، لأني بحب النجارة جدًا وبحب أعيش وسط الطبيعة».
وأضافت: «مؤخرا نفسي أعمل سرير كله من الشجر، وأبقى عايشة وسط الطبيعة، وممكن شوية زرع ونافورة حلوة»، متابعة: «في حاجات كتير نجارة في البيت، فهيبقى مفيد وإيجابي في حياتي».
وعلقت سمية الخشاب على توقعات خبيرة الأبراج ماجي فرح لها بالزواج في 2022، وردا على سؤال «لقيتي نصك التاني؟» أجابت: «أنا مش ناقصة عشان استنى حد يكملني، وإذا جه شخص هايكون نجم في سمائي، وإذا مشي ما أجمل السماء وهي صافية».

كنت خايفة عليها.. سمية الخشاب تعلق على انفصال احمد الفيشاوي وندى الكامل
هركز على الغناء .. سمية الخشاب تكشف طموحاتها في العام الجديد"خاص"

طليقة الفيشاوي تستمع لنصائح الخشاب

كشفت الفنانة سمية الخشاب، تفاصيل جديدة حول انفصال الفنان أحمد الفيشاوي عن زوجته ندى الكامل، بعد زواج استمر 4 سنوات، معربة عن سعادتها بتنفيذ طليقة الممثل الشاب لنصائحها.
وقالت الخشاب: "ندى الكامل طيوبة جدًا ولذيذة، وأنا كنت خايفة عليها، وكان في مشاحنات خفيفة بينها وبين أحمد في مهرجان الجونة اللي فات وأنا اتدخلت.
كما كشفت أنها أعطتها نصائح وفق تعبيرها، قائلة: "أنا قولتلها شوية نصايح، ومبسوطة إنها سمعتها، ولما انفصلت انفصلت بطريقة راقية جدًا، فيه احترام متبادل وخدت حقوقها، وأنا مبسوطة إنها وصلت للحاجة اللي هي كانت عايزة تعملها".

سمية الخشاب: وضعي إتغير بسبب الكوارع
كشفت الفنانة سمية الخشاب عن النظام الغذائي الذي بدأت مؤخرا اتباعه في وجبة الغداء، ونصحت بأكل الكوارع، خاصة في فصل الشتاء.
قالت سمية الخشاب: "مؤخرا احترمت نفسي وبقيت أهتم بصحتي وأملا بطنى بطبق السلطة عشان أشبع، قبل كده كنت بضرب مكرونة بالبشاميل ومحاشي زي ما قلبك يحب".
وأضافت: "أنصح كل الناس بما إننا في الشتا بالكوارع، خصوصا الرجلين الأمامية للبقرة، هاتوها واغسلوها كويس جدا، وادخلوا على يوتيوب هتلاقوا طرق كتيرة جدا للكوارع. مفيدة جدا لو بتشتكوا من آلام الظهر والعظم والمفاصل، وكلها كولاجين وحلوة قوي لوشكو، أنا من ساعة ما بدأت آكل كوارع وضعي إتغير".
وتابعت: "لما تكونوا زهقانين انزلوا اشتروا الخضار والفاكهة بنفسكو، والديلفري بالتليفون إنسوه، هاتتبسطوا".

نصائح سمية لابن بلدها حمو بيكا

قالت الفنانة سمية الخشاب، إنها التقت مطرب المهرجانات "حمو بيكا" خلال تصوير الأغنية التي اشتركت فيها مع المطرب الشعبي عمر كمال.
وتابعت الخشاب: حمو بيكا اقتحم التسجيل أثناء الأغنية، وعندما اعترض عمر كمال قال له: "دي بنت بلدي علي فكرة".
وأردفت الفنانة قائلة: "حمو بيكا شخصية طيبة وعفوية ولديه حضور 1كبير، وشكله في الطبيعة صغير جدا، ولو خاض تجربة التمثيل سينجح".
ووجهت نصيحة لمطرب المهرجانات قائلة: رسالة من أختك يا حمو أنت محتاج تكمل تعليمك مش عيب، الكل بيفضل يتعلم علشان يزود قدراته.. روح اتعلم يا حبيبي يارب تروح كُتاب بس أهم حاجة تتعلم".

أهلاوية جدا ولازم كهربا يركز
قالت الفنانة سمية الخشاب، إنها أهلاوية من الطراز الفريد.
وأرسلت الخشاب رسالة إلي لاعب القلعة الحمراء محمود كهربا، نصها: هدي الكهربا شوية، لأنك لاعب عظيم وأمامك المستقبل كبير"، مضيفة: "اسمع كلام سوسو واهدي وركز هاتبقي".