ليست الأولى.. كيف تعدى ابن الفنانة شريفة ماهر عليها بالضرب وزوّر توقيعها على بيع ممتلكاتها؟

تصدرت الفنانة شريفة ماهر، تريند موقع البحث "جوجل"، بعد الاتهامات التي وجهتها لنجلها "شريف"، بالتعدي عليها، والاستيلاء على "شقة" كانت قد قامت بتسجيلها باسم ابنتها "نيفين".
وبكت الفنانة شريفة ماهر، على الهواء، خلال حوارها مع الإعلامية بسمة وهبة مقدمة برنامج «90 دقيقة» على قناة «المحور»، بعدما أجرت مقدمة البرنامج مداخلة هاتفية مع ابنها الذي اتهمته بضربها وسبها والاستيلاء على أملاكها، مستغلا قلة حيلتها وضعف نظرها.

شريفة ماهر:ابني ضربني وكسر ذراعي علشان الفلوس وبدعى علي أولادي في صلاتي
شريفة ماهر: ابني أصيب بكورونا وجالي البيت يعديني علشان أموت.. فيديو

أصل الحكاية.. ولادي شتموني
بدأت شريفة ماهر، حديثها قائلة: «وزعت جزءا كبيرا من ميراثي على أولادي، شريف وطارق شتموني، شريف زقني مرتين ودراعي اتكسر من 4 سنين، ولادي أخدوا كل اللي حيلتي، وشريف قالي هقلعك هدومك»، وعن ابنتها ناهد، قالت: «مش حنينة وقلبها جامد عليّا منها لله، وقلبها أجمد من إخواتها ومسألتش عليّا، وشريف طول عمره بيحب الفلوس أكتر من أبوه وأمه، بيعبد القرش».
وأضافت: «الله لا يكسبك يا بعيد، ورينا الأوراق مش الكلام، أنا مش مضيت لك على حاجة، انت اللي مضيتلي، إنت سلطت البواب عليّا وقولتله ميجيبليش حاجة، وبيقول للناس إن عندي زهايمر، حسبي الله ونعم الوكيل فيك، ربنا ينتقم منك».
ورد عليها ابنها، قائلًا: «عارف إن الجنة تحت أقدام الأمهات، مش ممكن أشتمها، وإيدي تتقطع قبل ما أمدها، لكني اشتريت الشقق اللي عليها المشكلة وعامل صحة توقيع من 2007، والمهندس الذي بنى العمارة معها شهد على هذه العقود».


اتهامات بالتزوير
واتهمت الفنانة شريفة ماهر ابنها بالتزوير، وخاطبته قائلة: «العقود مزورة وهاسجنك»، ليعقب قائلًا: «بتقول بايعة لبنتها منذ عام 2011، وإزاي هغير عقد البيع اللي هي بايعاه، إديتها فوق المليون جنيه وفوق ال100 ألف جنيه سمسرة في الفيلا التي باعتها».
وصرخت الفنانة شريفة ماهر في وجهه، قائلةً: «يا كداب، إنت بتصلي إنت؟! إنت كداب وضلالي ربنا ينتقم منك يا بعيد، وربنا يوريني فيك يوم، ربنا هينتقم منك يا حرامي».

الأم تحرر محضرا ضد الابن
وأكد «شريف» أن أمه حررت محضرا ضده، واتهمته فيه بالضرب والشتم وكسر الشقة دون وجود أي إصابات، وهو ما يتضارب مع روايتها التي تقول فيها إنه تسبب في كسر ذراعها منذ 4 سنوات، موضحًا أن النيابة حفظت المحضر.
وأتم: «باعت شقتي لحد تاني ومرضيتش أعمل محضر فيها، ولحد الشهر اللي فات باعتلها لحمة وفراخ وأرز ومكرونة وببعتلها مؤن تكفيها شهر كامل»، لترد عليه والدته: «رميتهم».
عقوق شريفة ماهر في ميزان الدين .. عقوبات إلهية تنتظر العاق عند الاحتضار
شريفة ماهر عن مكالمتها مع رشوان توفيق: آباء كتير زينا.. يوم القيامة قرب

أملك الجنسية السويدية وبحب السيسي
وقالت الفنانة شريفة ماهر، إنها تملك الجنسية السويدية، لكنها تفضل الإقامة في مصر دائمًا: «مش بطيق أقعد هناك شهر، والسويديين بيحبوا السيسي وبيقولولي إنه ديمقراطي، ربنا يديله الصحة، قعدت مع جميع ملوك العرب مشوفتش حد بيتعامل مع الأطفال زي الرئيس السيسي، ربنا ادانا الرئيس السيسي هدية».

دموع.. أول مواجهة بين شريفة ماهر وابنها على الهواء مع بسمة وهبة
قالي"هقلعك هدومك" ومضاني على عقود زور.. الفنانة شريفة ماهر تكشف معاناتها مع ابنها

اعتزلت الفن منذ 45 سنة
وأشارت إلى أنها اعتزلت الفن وارتدت الحجاب منذ 45 عاما، وأطلقت الكثير من المشروعات العقارية، وأضافت: «في فيلم أعز الحبايب شكري سرحان ضربني بالقلم وعيني جابت دم، ومبقيتش أشوف كويس وشريف استغل الحكاية دي وكان بيمضيني على العقود، وكتير أوي مضاني على 4 عقود معرفش فيهم إيه».
وتابعت: «مش هشتكيه وربنا هيجيب لي حقي، وطلب مني يروح يقعد معايا في شقة جاردن سيتي، ومضاني وأنا مش بشوف على حاجة مش بتاعتي وهي الشقة دي الإيجار، وأبوه قبل ما يموت قالي هأمنك عشان شريف لما هموت هيقلعك هدومك، وفعلا طول عمره بيعبد الفلوس وماكنتش أتخيل إنه يعمل فيّا كدة، بقاله 9 أشهر مقاليش إنتِ فين».
ولفتت إلى أنه طردها من شقتها التي كانت تقيم فيها بمنطقة جاردن سيتي بنظام الإيجار: «قاعدة في العمارة بتاعتي في المهندسين وكاتباها باسم بنتي نيفين، وحد قالي إن شريف طلب الفيلا من الشهر العقاري، رغم إن نيفين مسجلاها، وفعلا استولى عليها.. شريف خان الأمانة».