سيد أبو حفيظة للأتراك:"متخدوش أى نصايح من الشعب المصرى علشان متلبسوش النهضه اللى احنا لبسنها دلوقتى"

قدم الإعلامى الساخر أكرم حسنى صاحب شخصية سيد أبو حفيظة بعض النصائح للشعب التركى بسبب المظاهرات الجارية هناك قائلا لهم : "نصيحه للثوار الاتراك لو عندك عبايه بكباسين اوعى تلبسيها فى المظاهرات علشان فى ناس هتطلع تقول وهى ايه اللى وداها هناك كده" .
وأضاف عبر صفحته الرسمية على موقع التواصل الإجتماعى "تويتر" نصيحه للثوار الاتراك ييظهر واحد اقرع وبيلبس نظاره قعر كبايه وبيحط منديل محلاوى على كتفه واسمه ابو ابو حفيظه ده خليكوا وراه هو ضمير الثورة .
وتابع : "اخر نصيحه للثوار الاتراك متخدوش اى نصايح من الشعب المصرى علشان متلبسوش النهضه اللى احنا لبسنها دلوقتى
نصيحه للثوار الاتراك هيظهر واحد تانى اقرع وبشنب وبيكتب على تويتر ده اقطعو عنه النت من اولها علشان تخلصو منه".
يذكر أن الأوضاع في تركيا انفجرت على نحو مفاجئ وغير متوقع، بعد تزايد حدة الاشتباكات بين آلاف المتظاهرين الغاضبين وقوات الأمن، على خلفية خطط حكومية لتغيير ميدان "تقسيم" الشهير بوسط مدينة اسطنبول وإزالة متنزه لإقامة مركز تجاري ضخم "مول" .