يحيى الفخراني يكشف كواليس مشهد الضحك الشهير في فيلم الكيف.. نوستالجيا

في لقاء قديم للفنان يحيى الفخراني مذاع على فضائية (ART) من تقديم صفاء أبو السعود تحدث عن كواليس مشاهد فيلم الكيف وكشف مفاجأة عن مشهد الضحك الشهير الموجود في الفيلم.
وقال الفنان يحيى الفخراني :" أنا حضرت للمشهد الإدمان ده كويس أوي لأن أيام ما كنت طبيب كانت حالات إدمان الهروين مش كتيرة أوي واللي كان منتشر الأفيون وده إلي احنا كنا بنشوفه في المستشفيات وقرأت عنه كويس وشوفت حالات موجودة بالفعل في المستشفيات ".
وأكمل " الفخراني" :" أصريت اعمل الدور من غير مكياج و من خلال المعايشة تقمصت الشخصية ولهذا السبب ظهر المشهد بهذا الشكل .
وأضاف الفنان يحيى الفخراني :" بس للأسف حصل خطأ في التصوير وقالوا هيعيدوه بس أنا مقدرتش أعيده تاني ".
وكشف " الفخراني" تفاصيل مشهد الضحك الشهير في فيلم الكيف قائلًا :" كنت حابب أوي المشهد ده وعملت حركة خبيثة كده طلعت 100 جنيه أيامها ده كان مبلغ كبير واديتها ل علي عبد الخالق المخرج وقلت للعامل الي بيشتغل على الكاميرا ال 100 جنيه دي ليك لو المشهد ده اتعمل من أول مرة واتعمل فعلا من أول مرة ومن غير بروفة وفرحت بيه جدًا " .