عن تاريخهما الغنائي وأرقام المشاهدات والصوت الأفضل ... خناقة لايف بين حسن شاكوش ورضا البحراوي

أزمة كبيرة اندلعت بين مغني المهرجانات حسن شاكوش والفنان رضا البحراوي بعد سوء تفاهم وقع بينهما أثناء إحدى حفلاتهما في الساحل الشمالي.
بداية الأزمة بين حسن شاكوش ورضا البحراوي
انتشر فيديو على موقع التواصل الاجتماعي فيسبوك، لخلاف وقع بين حسن شاكوش وفرقة رضا البحراوي وتدخل حمو بيكا لفض الاشتباك قبل وقوع أزمة أكبر.
ظهر حسن شاكوش في الفيديو وهو يغادر المسرح ثم صعد رضا البحراوي بعده، وشرع في الغناء، ثم قال :"هو حسن شاكوش راح فين أنا كان نفسي فيه".
لايف حسن شاكوش
خرج حسن شاكوش صباح اليوم في فيديو لايف على موقع فيسبوك، للرد على رضا البحراوي بعدما استمرت المناوشات بينهما على السوشيال ميديا ومن خلال حفلاتهما الصيفية.
وقال حسن شاكوش: "صباح الخير على كل اخواتنا اللي بيحبونا واللي بنحبهم، أنا طالع يا جماعة اتكلم في موضوع يخصني ويخص الأستاذ رضا البحراوي، هو طلع من شوية في لايف بيقول عليه كلام كتير، طب أول حاجة يا جماعة المفروض إن إحنا كان عندنا شغل في الساحل والمفروض إن أنا راجل عندي نمرة، ما ينفعش إن أنا أطلع أغني وألاقي فرقة حطة العدة بتاعتها في نمرتي".
وأضاف حسن شاكوش: "الأصول إن اطلع نمرتي تكون كل واحد ياخذ حقه، مش ينفع إن أطلع الاقي فرقة جهزت الآلات بتاعتها على نمرتي، وبلغت مرة واتنين إن يا جماعة مش ينفع ولازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود".
وأوضح حسن شاكوش: "بعد ما خلصت آخر شغل، فرقة الأستاذ رضا البحراوي، طلعت على المسرح تاني ومارضيتش اتكلم، وأنا نازل حد فيهم من الفرقة راح شتمني وعاملي حركة كأنهم بيزفوني، وأنا نازل طبعا انا راجل شوفت كده انا راجل حر من بولاق الدكرور، ولما بشوف الغلط بعيني مش بعرف اسكت، وعمري في حياتي ما غلطت في حد ولا جبت سيرة حد ولا اتكلمت على حد".
وتابع حسن شاكوش: "بعد ما خلصت ونزلت لاقيت أستاذ رضا البحراوي طلع وبيقول هو فين شاكوش هو هرب ولا جرى، لا يا بحراوي أنا ولا جريت ولا هربت أنا خلصت فقرة بتاعتي زيي أي نجم بخلص وبروح بيتي".
وتحدث حسن شاكوش عن تاريخ رضا البحراوي الفني ووصفه بعدة جمل منها:" انت ملكش أغاني وملكش CV وكل اللي بتغنيه بتاخده عالجاهز .. احنا مجيناش ع البايظ .. احنا تعبنا على نجاح.. لو شفت الأرقام بتاعتي على يوتيوب هتتخض وأنا اشتغلت مع نجوم كبار ..أغني معاك إزاي بعد أحمد سعد وأغنية من بتوعي بتاريخك كله".
حسن شاكوش يفتح النار على رضا البحراوي: أنا راجل حر من بولاق
خد بعضه وجري.. القصة الكاملة لخناقة رضا البحراوي وحسن شاكوش.. فيديو
لايف رضا البحراوي
خرج رضا البحراوي في لايف آخر على فيسبوك للرد على ما قاله حسن شاكوش، وذكر فيه تفاصيله تاريخه الفني والغنائي وأشهر الأعمال التي قدمها.
ووجه رضا البحراوي حديثه لحسن شاكوش مؤكدا على أن نجاح الأخير لم يكن بمفرده لكن أغانيه التي حقق انتشارا كانت برفقة عمر كمال وحمو بيكا قائلا:" أنا سبب نجاحي ربنا والجمهور..انت نجاحك مش لوحدك ومذكرتش حد فيهم".
وأوضح رضا البحراوي أنه عمل خلال مشواره مع مطربين كبار في الفن الشعبي مثل طارق الشيخ وعبد الباسط حموده كما أن الفنان حكيم غني له "حلاوة روح"، إلى جانب مشاركته مع الراحلة شفيقة وأسماء كبيرة في مجال الغناء الشعبي، قائلا:"مش عيب ولا حرام أخد إيفيهات من على تكاتك".
وتحدى رضا البحراوي حسن شاكوش أن يتخلى عن الغناء من خلال "البلاي باك" في حفلاته، ويصعد معه على المسرح في وجود فرقة موسيقية ليثبت من منهما يتمتع بالموهبة والغناء.
وتحدث رضا البحراوي عن غنائه لتترات أفلام ومسلسلات مثل النمر وهوجان وحديد، قائلا: "أنا بتاع طرب والناس بتيجي تسمعلي.. أنا بشتغل في كل المحافظات ومبشوفكش غير بفلاشة ..أهم حاجة تكون صافي وليك كاريزمتك ع المسرح".
ووجه رضا البحراوي رسالة إلى حسن شاكوش قائلا:" محدش بيحبك ومتخليش الغرور ياخدك..برد عليك بالأدب وبالفن ومجبتش سيرة أمك وأبوك.. أنا بتاع ربنا ومبغلطش في حد".