محمد رحيم يشن هجوما على عمرو مصطفى

شن الملحن والموزع محمد رحيم هجوماً على الفنان عمرو مصطفى ، بعد تصريحاته الأخيرة فى برنامج العرافة.
وعلق محمد رحيم عبر صفحته الشخصية على موقع التواصل الاجتماعى فيسبوك: "صديقي عمرو مصطفى شاهدت حلقتك في برنامج العرافة للإعلامية بسمة وهبة وكان ليا تعليق الحقيقة شوف يا عمرو أنا ميهمنيش أبدا إنك تبقى عايش في كدبة كبيرة ومصدقها لكن يهمني إنك متفرضش الكدبة دي على الناس وتحاول تقنع بيها بعض شرائح الجمهور البسيط اللى ميعرفش حاجات كتير عن أسرار وخبايا المهنة بتاعتنا البلد مليانة مبدعين وعلى أعلى مستوى من الموهبة والدراسة والإبداع وكل واحد ليه مدرسته وليه تجاربه اللى لازم تحترم وكل واحد شق طريقه بنفسه وبذل مجهود لا يستهان به".
وأضاف رحيم: "فأنت مش من حقك تقلل من حد ولا تحط نفسك فوق حد ولا تغلط في حد من أبناء مهنتك المبدعين اللى كلهم ناجحين سواء مطربين أو ملحنين اشتغل وأنت ساكت والزم حدودك أنت مش أكتر من ترس في عجلة جوه مصنع جوه مدينة جوه بلد كاملة اسمها بلد الإبداع والفن والحضارة وهوليوود الشرق (مصر) وأنا كل ما أبدأ معاك صفحة جديدة ترجع تخون الصداقة والعيش والملح وتفاجئني بما هو أفدح من كل مرة قبل كده".
عمرو مصطفى يعلق على تصريحات هاني شاكر.. ويرد على شيرين عبد الوهاب وعمرو دياب
عمرو دياب خذلني .. عمرو مصطفى يثير ضجة بتصريحاته
وتابع رحيم: "كتير كنت بسكت وبقول مفيش داعي نكبر الموضوع المرادي أنت بجد زودتها أوي كفاية غلط في الناس كفاية سخرية من مجهود الناس كفاية تعدي على كل الناس اللى شقيت وحفرت في الصخر علشان تكون أساميها وأنا كمت أتمنى أن الرد ده أسمعه من السيد نقيب الموسيقيين الفنان هاني شاكر أو رئيس جمعية المؤلفين والملحنين د.مدحت العدل لكن كلهم سمعوا إهانه الناس وسكتوا".