النار مش هتطفي.. رسائل نارية من نجوم الفن ضد المتهمين بقتل ضحية المعادي

أثارت واقعة حادث تحرش وقتل الفتاة "مريم" ضحية المعادى حالة من الاستنكار والاستهجان التى أبداها عدد من طوائف الشعب المصرى ولعل من ابرزهم الفنانين الذين طالبوا بتطبيق اقصى عقوبة على المجرمين.
ونرصد ردود الفعل الغاضبة من جانب عدد من النجوم تجاه مرتكبى جريمة قتل مريم.
محمد هنيدى
قال محمد هنيدى عبر حسابه على تويتر: "البنت الجميلة دي اسمها مريم محمد كانت ماشية في أمان الله، جه 3 كائنات ماينفعش نقول عليهم حتى حيوانات مفترسة لأننا هنكون ظلمنا الحيوانات، وتحرشوا بيها ولما حاولت تبعد عنهم تسببوا في وفاتها.. ربنا يرحمك ويصبر أهلك وياريت الكائنات دي يتم توقيع أقصي عقوبة عليها عشان يكونوا عبرة".
رانيا يوسف
بينما قالت رانيا يوسف عبر تويتر: "مليون مرة نقول التحرش عقوبته لازم تبقا الإعدام!! مريم بنت مصرية لسه في عز شبابها وملابسها أعتقد لا تخدش حياء نظريات اللبس هوه السبب".
وأضافت "مريم كانت ماشية في الشارع وراجعة من شغلها في المعادي، وفجأه لقت ثلاثة ما يسموا بالرجالة للأسف بيتحرشوا بيها لفظيا وبدأت محاولات التحرش جسديا".
وتواصل "مريم حاولت تجري وتصد الذئاب البشرية عنها ولكن للأسف أثناء محاولاتها الحفاظ على نفسها وعدم الاستسلام ليهم ماتت تحت عجلات عربيتهم، مكتفوش بكده وبس لا دول سحلوها بالعربية، ورموها في الشارع وهربوا".
واختتمت "جريمة زي دي لسه بنفكر أن التحرش مش عقابه الإعدام ولسه فيه ناس بتبرر التحرش باللبس... كفايه كفايه كفايه #حق مريم فين"‬⁩.
منة شلبى
أما الفنانة منة شلبى عبرت عن غضبها الشديد لما تعرضت له ضحية المعادى قائلة عبر حسابها على موقع التواصل الاجتماعى تويتر : "وقالت منة: "أطالب بأقصى العقوبة علي أي متحرش ولا يوجد مبرر لا لبس و لا سلوك لا يوجد مبرر لمتحرش متوحش حيوان لا يوجد ابدا".
وأوضحت منة قائلة : "زعلانة علي النخوة والرجولة اللي بتتلاشي من بعض رجال بلدي ..اللهم ارحمها يا رب و ارحمنا من هذا العبث !
ايمان رياض
وكتبت الإعلامية إيمان رياض عبر "انستجرام": "يا وجع قلوبنا... الله يرحمها ويدخلها جناته.. هى ارتاحت.. لكن النار اللي فى قلب أهلها دي مين هيطفيها!!!؟؟؟ عروسة وبتجهز لفرحها... الدوام لله وحده وكلنا ماشيين.. بس يارب يا عدل انتقم من اللي سحلوها وقتلوها شر انتقام!! ليكونوا عبرة لكل مفتري!!! حسبنا الله ونعم الوكيل !! #فتاة_المعادي".